.gif)
(2).gif)
_(1).gif)
.png)
काठमाण्डौ । बैंक तथा वित्तीय संस्थाहरुमा तरलता थुप्रिने क्रम बढिरहेको छ ।
बैंकहरुको कर्जा प्रवाह सुस्ताउँदा निक्षेप थपिने क्रम जारी छ । फलस्वरुप राष्ट्रबैंकले बेला-बेला जारी गर्ने तरलता प्रशोचनका उपकरणमा अत्यन्त न्यूत ब्याजदरमा निक्षेप राख्न बैंकहरु बाध्य छन् ।
निक्षेप थुप्रिँदा बैंकहरुले आफ्नो कस्ट अफ फण्ड घटाउनका लागि विगत केही महिनादेखि लगातार ब्याजदरमा कटौति गरिरहेका छन् । यो क्रमले चैतका लागि तोकिने ब्याजदरमा समेत निरन्तरता पाउने अनुमान गरिएको छ ।
बैंकिंग प्रणालीको यो सकसले बैंकहरुको क्रेडिट डिपोजिट(सिडी) रेसियो समेत लगातार घटिरहेको छ ।
राष्ट्रबैंकले बैंक तथा वित्तीय संस्थाहरुले कर्जा निक्षेपको यस्तो अनुपात ९० प्रतिशतसम्म हुनुपर्ने व्यवस्था गरेको छ । तर, पछिल्लो समय यस्तो अनुपात घटेर ८० प्रतिशतभन्दा पनि तल झरेको छ ।
राष्ट्रबैंकका अनुसार ९ मार्चसम्मको सीडी रेसियो ७९.९० प्रतिशतमा खुम्चिएको छ ।
सो दिनसम्मको आँकडा अनुसार वाणिज्य बैंकहरुको कुल निक्षेप अघिल्लो दिन(८ मार्च)को तुलनामा २ अर्बले घटेको देखिएको छ ।
समग्र प्रणालीमा समेत २ अर्बले निक्षेप घटेको छ ।
वाणिज्य बैंकहरुको कुल कर्जा प्रवाह पनि १ अर्बले घटेको देखिएको छ । अन्य वित्तीय संस्थाबाट प्रवाह हुने कर्जा पनि १ अर्बले घटेको छ ।
९ मार्चको अन्तर बैंक ब्याजदर २.८८ प्रतिशत रहेको छ ।
.gif)
.png)
.jpg)
.jpg)
(1).gif)
