वार्षिक औषत २१.६% लाभांश दिएको स्वरोजगार लघुवित्तको सेयर बुलिस सेन्टिमेन्टमा, कस्तो रहला अबको यात्रा ?

काठमाण्डौ । स्वरोजगार लघुवित्त वित्तिय संस्था लिमिटेड नेपाल स्टक एक्सचेञ्ज(नेप्से)मा सूचीकृत ‘घ’बर्गको वित्तीय संस्थाहरु मध्यको एक हो । यो सस्था विसं २०६६ सालमा काभ्रे जिल्लामा स्थापित भएको थियो । यो सस्थाको मुख्य उद्देश्य भनेको ग्रामिण भेगका महिलाहरुलाई वित्तीय सेवा उपलब्ध गराउनु रहेको छ ।  

आधारभूत पक्षः  

यस आर्थिक वर्षको तेस्रो त्रैमासिक प्रतिबेदन अनुसार कम्पनीको चुक्तापूँजी ६९ करोड ६ लाखबराबर रहेको छ । कम्पनीको जगेडा कोषमा ४९ करोड ४० लाख रेहको छ । यस्तै कम्पनीको कूल पूँजी १ अर्ब १८ करोड रुपैयाँ रहेको छ ।  

कम्पनीको खुद मुनाफा १६ करोड रुपैयाँ रहेको छ भने प्रतिसेयर आम्दानी ३०.९३ रुपैयाँ रहेको छ भने बुक भ्यालु १७१ , रिर्टन अन इक्विटी १८ प्रतिशत , खराब कर्जा अनुपात ५.०४ प्रतिशत रहेको छ ।  

प्राविधिक पक्षः  

इलिअट वेभमा विभिन्न डिग्रीहरु हुने गर्छन् । त्यस्ता डिग्रीहरुले सानाठूला गरेर एकदिनदेखि एकसय वर्षसम्मको समय अवधिलाई प्रतिनिधित्व गर्छन् । इलिअट वेभमा मूल्य माथि जान पाँच फरक–फरक वेभ हुन्छन् भने तल जान ३ वेभ हुन्छन् ।  

माथि लाग्ने पाँच वेभमा पनि तीनवटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत दिन्छ ।

यस आधारमा यो कम्पनीको सेयर मूल्यले हाल चौंथो वेभको करेक्सन चल्दै गरेको र पाँचौ वेभमा सेयरको मूल्यले १३ सय सम्म पूग्न सक्ने देखिन्छ ।  

फियर एण्ड ग्रिड इन्डेक्सको आधारमा  

फियर एण्ड ग्रिड इन्डेक्सको आधारमा यो कम्पनी हाल ६० को तहमा बुलिस सेन्टिमेन्टमा चलेको देखिन्छ । कम्पनीको ५२ साताको उच्च मूल्य प्रतिकित्ता ११४८ र न्यून मूल्य भनेको ७६६ रुपैयाँ रहेको छ । यस कम्पनीमा ५१ प्रतिशत संस्थापक र ४९ प्रतिशत सर्वसाधारण समूहमा रहेको छ । यो कम्पनीको सेयर ब्रोकर नम्बर १ , १०० र ६२ बाट उच्च होल्डिङ रहेको छ ।  

बोलिङ्गर ब्याण्ड , म्याक्डी र आरएसआई  

बोलिङ्गर ब्याण्डको आधारमा यो कम्पनी हाल अपर ब्याण्डबाट खसेर मध्य ब्याण्डमा सपोर्ट लिँदै गरेको देखिन्छ । आज मध्य ब्याण्डमा डोजी प्रकृतिको क्याण्डल बनेको छ । म्याक्डी मार्फत नियाल्दा भने वियरिस क्रसओभर बनेको छ । हिस्टोग्राम नेगेटिभ बन्दै गएका छन् । आरएसआई ओभरबाट जोनबाट तल खसेको छ । यसले समग्रमा यो कम्पनीको सेयरमा अल्पकालिन करेक्सनको सम्भावना देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको  अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – १२५०

प्रतिरोध २ – १२०२

प्रतिरोध १–  ११५०

पिभट् प्वइन्टः ११०२

घटेमा सपोर्ट

सपोर्ट १– १०५०

सपोर्ट २– १००२

सपोर्ट  ३ –९५०

निष्कर्षः आधारभूत रुपमा यो कम्पनी बलियो नै देखिन्छ । विगत १० बर्षको औषत लाभांशदर करिब २२ प्रतिशत रहेको छ । कम्पनीको जगेडा कोष , नेटवर्थ र प्रतिसेयर आम्दानी मजबुत रहेको देखिन्छ । प्राविधिक रुपमा यो कम्पनी फियर एण्ड ग्रिड इन्डेक्समा बुलिस सेन्टिमेन्टमा चलेको देखिन्छ ।  

इलिअट वेभबाट नियाल्दा अप ट्रेन्डमा नै चलेको देखिन्छ । इन्डिकेटरबाट नियाल्दा भने केही समय अप ट्रेन्डमा रहेको यो कम्पनीको सेयरमा अल्पकालिन करेक्सन हुँदै गरेको र दीर्घकालमा बुलिस बन्दै गरेको देखिन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।