.gif)
_(1).gif)
.jpg)
.png)
काठमाण्डौ । अध्यक्षविहीन नेपाल धितोपत्र बोर्डभित्रको आन्तरिक द्वन्द्वको असर अर्थमन्त्रीलाई बुझाउने तयारी भइरहेको पूँजीबजारको समस्या, समाधानको उपाय र विकास तथा विस्तार सम्बन्धी कार्ययोजनामा समेत देखिएको छ ।
धितोपत्र बोर्ड अध्यक्षविहीन भएपछि विभिन्न गुट–उपगुटबीच द्वन्द्व देखिएको छ । यो द्वन्द्वको प्रभाव धितोपत्र बोर्डको दैनिक कार्यसम्पादन, कतिपय महत्वपूर्ण निर्णय लगायतमा समेत लामो समयदेखि पर्दै आएको छ ।
(1).gif)
धितोपत्र बोर्डको नयाँ अध्यक्षका लागि बोर्डभित्रबाटै तीनजना(डा. नवराज अधिकारी, मुक्तिनाथ श्रेष्ठ लगायत) आकांक्षीले आवेदन दिएपछि द्वन्द्व थप चर्किएको छ । जसको असर अर्थमन्त्रीलाई बुझाउन तयारी गरिएको कार्ययोजनामा समेत देखिएको स्रोतको भनाई छ ।
धितोपत्र बोर्डमा आन्तरिक द्वन्द्व थिएन भने पूँजीबजार सुधारका लागि प्रष्ट कार्ययोजना ढिलोमा आइतबार(आज) फ्रस्ट आवरमै अर्थमन्त्रीलाई बुझाउने कार्यक्रम थियो । तर, निमित्त प्रमुखको भरमा चलिरहेको बोर्डले सञ्चालक समितिको बैठकबाट पारित भएपछि मात्र कार्ययोजना बुझाउन मिल्ने एउटा समूहले अड्को थापेपछि त्यसको प्रभाव द्रूत गतिमा हुनुपर्ने बजार सुधारको महत्वपूर्ण काममा देखिएको हो ।
बोर्डका निमित्त प्रमुख डा. नवराज अधिकारीले बजार सुधारका लागि तयार कार्ययोजना शुक्रबारसम्म नै बुझाउन खोजेका स्रोतको दाबी छ । तर, उनलाई अध्यक्षका अन्य आकांक्षी र बोर्डभित्रकै उनका विरोधीहरुले रोकिदिए । निमित्त प्रमुखले बजार सुधारको कार्ययोजना पेश गर्ने अधिकार नरहेको दाबी गर्दै सञ्चालक समितिबाट पारित भएपछि मात्र बुझाउन मिल्ने भन्दै बोर्डभित्रे विरोध भयो । बोर्डका अध्यक्षका लागि आकांक्षी र बलियो दाबेदार आफूलाई मानेका डा. अधिकारीले समेत यसपटक जोखिम मोल्न चाहेनन् र सञ्चालक समितिलाई कुर्दा कार्ययोजना बुझाउन ढिलाई भएको स्रोतको भनाई छ ।
बोर्डस्थित उच्च स्रोतका अनुसार निमित्त प्रमुखले सञ्चालक समितिको बैठक आइतबार साँझका लागि बोलाउन सहजीकरण गरेका छन् । तर, आजको बोर्ड बैठक बस्ने पूर्ण निश्चितता भने छैन । किनभने बजार सुधार, इन्साइडर ट्रेडिङ र खुलेआम चलखेलजस्ता कतिपय महत्वपूर्ण विषयमा केही गम्भीर निर्णय गर्न बोर्ड बैठक बसाउने डा. अधिकारीको पटक–पटकको प्रयास लामो समयदेखि सफल हुन सकेको छैन । आइतबारको बोर्डको सञ्चालक समितिको बैठक समेत हुने या नहुनेमा बोर्डकै उच्चपदस्थ कर्मचारी समेत द्वीविधामा छन् ।
.gif)
.png)
.jpg)
.jpg)
.jpg)
.png)
.png)
.gif)
.gif)
