मध्य ब्याण्डमा प्रतिरोध सामना गरेको बजारको कति–कतिमा छ अबको सपोर्ट ?

Capital Market
आईतवार, भाद्र १५,२०८२ 19:19:29

काठमाण्डौ । साताको पहिलो कारोबार दिन आज पनि बजार घटेर बन्द भएको छ । आज बजार घट्दा अघिल्लो कारोबारको तुलनामा झण्डै २ अर्बले कारोबार घटेको छ । प्राविधिक रुपमा आजको बजारलाई बोलिङ्गर ब्याण्डबाट नियाल्दा बजारले आज मध्य ब्याण्डबाट तल खसेको छ ।

अर्थात बजारले मध्य ब्याण्डमा प्रतिरोध सामना गरेको छ । अब बजारले तल्लो ब्याण्ड अर्थात २७१८ विन्दु आसपासमा बलियो सपोर्ट लिन सक्छ । क्याण्डल स्टिकबाट नियाल्दा आज पनि बजारमा वियरिस मारुबुजु क्याण्डल बनेको देखिन्छ ।

यसले घट्दो बजारलाई संकेत गर्छ । डेली बेसमा आरएसआई ४२ को तहमा चलेको देखिन्छ । मनी फ्लो इन्डेक्स ओभर सोल्ड जोनबाट फर्केर२६ को तहमा चलेको देखिन्छ ।

समग्रमा इन्डिकेटरबाट नियाल्दा बजारमा हाल बजार साइडवेजमा चलेको देखिन्छ । मूभिङ एभरेजबाट नियाल्दा बजारले ५० दिने रेखाबाट तल खसेको छ । अब बजर २०० दिने रेखमा बलियो सपोर्ट लिन सक्छ ।

पिभट् मार्फत नियाल्दा आज २७४९ को विन्दुमा बन्द भएको बजारले आगमी दिनमा पनि घटेमा क्रमश ः २७३२, २६८४ २६३८ विन्दुमा सपोर्ट लिन सक्छ । त्यसैगरि, बढेमा भने बजारले क्रमश ः २७७८ , २८२६ र २८७२ विन्दुमा प्रतिरोध सामना गर्न सक्छ ।

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।