.gif)
_(1).gif)
.png)
काठमाण्डौ । सर्वोत्तम सिमेन्ट लिमिटेड र नेपाल स्टक एक्सचेञ्ज(नेप्से)बीच साधारण सेयर सूचीकरण सम्झौता सम्पन्न भएको छ । कम्पनी र नेप्सेबीच प्रतिसेयर अंकित रु १०० कायम भएको ४ करोड ६५ लाख कित्ता सेयर सूचीकरण गर्ने सम्झौता भएको हो ।
उक्त सम्झौता आज चैत ५ गते सम्पन्न भएको हो । कम्पनीले ग्लोबल आइएमई क्यापिटल (निष्कासन तथा बिक्री प्रबन्धक) तथा एनआईबिएल एस क्यापिटल र प्रभु क्यापिटल(सह निष्कासन तथा बिक्री प्रबन्धक)मार्फत साधारण सेयर खुला बिक्री आह्वान गरेको थियो ।
(1).gif)
यसरी सर्वसाधारण लगानीकर्ता(वैदेशिक रोजगारीमा रहेका नेपाली, उद्योग प्रभावित क्षेत्रका स्थानिय वासिन्दा,योग्य संस्थागत लगानीकर्ता र कर्मचारीहरु समेत)मा वितरण गरिएको ६० लाख कित्ता र कम्पनीका संस्थापक सेयरधनीहरुले लगानी गरेको ४ करोड ५ लाख कित्ता गरी कुल ४ करोड ६५ लाख कित्ता साधारण सेयर नेप्सेमा सूचिकृत भएको हो ।
उक्त सेयर चैत ४ गतेको निर्णयअनुसार धितोपत्र सूचीकरण नियमावली,२०७५ बमोजिम सूचिकृत भएको हो । नेप्सेले कम्पनीलाई १८५.३६ रुपैयाँदेखि ५५६.०८ रुपैयाँ आपनिङ रेञ्ज प्रदान गरेको छ ।
नेप्सेमा सूचीकरण भएसँगै भोलिदेखि कम्पनीको सेयर दोस्रा ेबजारमा कारोबारमा आउनेछ । कम्पनीको प्रधान कार्यालय तीनकुने काठमाण्डौमा रहेको र सूचीकरणपश्चात दिनुपर्ने आरटीएस सेवा लाजिम्पाटमा रहेको एनआईबिएल एस क्यापिटल काठमाण्डौबाट हुनेछ ।
.gif)
.png)
.jpg)
.jpg)
.png)
.png)
.gif)
.gif)
