.gif)
(1).gif)
(3).gif)
.gif)
.png)
काठमाण्डौ । नयाँ बानेश्वरस्थित राष्ट्रिय वाणिज्य बैंकमा भएको चर्चित लुटपाट घटनामा सम्लग्न अभियुक्तले लुटेको रकम प्रयोग गरी बुलेट मोटरसाइकल खरिद गरेको तथ्य बाहिर आएको छ।
(1).gif)
प्रहरीले दोलखाका २७ वर्षीय दीपक श्रेष्ठलाई पक्राउ गरी अनुसन्धान अघि बढाउँदा उनले लुटेको रकमबाट रातो रङको बुलेट मोटरसाइकल किनेको स्वीकार गरेका छन्। श्रेष्ठका अनुसार उनले बैंकबाट करिब २ लाख ५० हजार रुपैयाँ लिएर त्यसमा १ लाख ७२ हजार थप गरी कुल ४ लाख २२ हजारमा मोटरसाइकल खरिद गरेका हुन्।
श्रेष्ठले बैंकबाट नगद रकमसँगै ३ थान सुनका बाला, १ थान बेरुवा औंठी र गणेशको लकेट भएको सिक्रि समेत लिएर हिँडेका थिए। उनले प्रहरी समक्ष सो सबै वस्तु आफैंले लिएको बयान दिएका छन्।
यस प्रकरणमा श्रेष्ठसँगै एक नाबालकलाई समेत प्रतिवादी बनाई काठमाडौँ जिल्ला अदालतमा मुद्दा दायर गरिएको छ।
(2).gif)
स्मरण रहोस्, नयाँ बानेश्वरस्थित सो शाखाबाट करिब ३८ करोड ४० लाख रुपैयाँ बराबरको सम्पत्ति लुटिएको थियो। सो मध्ये १७ हजार ९ सय ४५ ग्राम सुन र ५ करोड १५ लाख रुपैयाँ नगद रहेको बताइएको छ।
प्रहरीका अनुसार श्रेष्ठबाट केही मात्रामा सुन बरामद गरिएको भए पनि बाँकी सुन र नगद रकम कहाँ गए भन्नेबारे अझै खुल्न बाँकी छ।
-समाचारमा प्रयोग गरिएको तस्विर एआईले तयार गरेको हो ।
.png)
.gif)
.jpg)
(1).jpg)
.jpg)
(7).jpg)
