.gif)
_(1).gif)
.png)
काठमाण्डौ । भारतीय बैंकहरुको खूद ब्याज मार्जिनमा संकुचन आएको छ । निक्षेप खर्चमा आएको वृद्धिले बैंकहरुको खूद ब्याज मार्जिनमा संकुचन आएको हो ।
पछिल्ला केहि महिनादेखि भारतीय बैंकहरुको कर्जा प्रवाहमा दोहोरो अंकको वृद्धि देखिएको छ । भारतको अर्थतन्त्रमा कर्जाको माग बढीरहेकाले बैंकहरुबाट हुने कर्जा प्रवाह बढेको हो ।
(1).gif)
यद्यपी निक्षेप खर्च वृद्धिका कारण ब्याज मार्जिनमा भने संकुचन आएको भारतीय मिडियाहरुले बताएका छन् ।
भारतको सबैभन्दा ठूलो निजी लगानीको बैंक एचडीएफसीले कहि समयअघि सार्वजनिक गरेको वित्तीय विवरण अनुसार बैंकको खूद ब्याज मार्जिन लगातार दुई त्रैमासमा घटेको थियो । कर्जाको बढ्दो मागसँगै बैंकहरुको नाफा बढेपनि भारतको केन्द्रीय बैंक रिजर्भ बैंक अफ इण्डिया(आरबीआई) ले अर्थतन्त्रमा जोखिमको सम्भावना औल्याएको छ । समग्र कर्जाको तुलनामा असुरक्षित कर्जाको प्रवाह दोब्बरले बढेकाले केहि उपभोक्ता कर्जामा कमी गर्न आरबीआईले गत नोभेम्बरमा निर्देशन दिएको थियो ।
यससँगै भारतको दोस्रो ठूलो निजी बैंक आईसीआईसीआई बैंकको खूद ब्याज मार्जिन लगातार चौथो त्रैमासमा पनि घटेको छ । बैंकको खूद ब्याज मार्जिन ४.५३ प्रतिशतबाट घटेर ४.४३ प्रतिशत कायम भएको छ ।
यस्तै कोडाक महिन्द्रा बैंकको खूद ब्याज मार्जिन पनि ५.४७ प्रतिशतबाट घटेर ५.२२ प्रतिशतमा सीमित भएको छ ।
बैंकले आज सार्वजनिक गरेको वित्तीय विवरण अनुसार बैंकको आम्दानी अपेक्षा गरेभन्दा धेरै वृद्धि भएको छ । बैंकको खूद मुनाफा २५.७ प्रतिशतले बढेको छ ।
खूद ब्याज मार्जिन भनेको कर्जाबाट प्राप्त भएको ब्याज र निक्षेपमा प्रदान गरिएको बीचको अन्तर हो ।
.gif)
.png)
.jpg)
.jpg)
.jpg)
(1).gif)
.gif)
