.gif)
(1).gif)
(3).gif)
.jpg)
.gif)
.png)
काठमाण्डौ । विश्वको सबैभन्दा ठूलो अर्थतन्त्र भएको देश अमेरिका अक्टोबर १ बाट शटडाउनमा छ र अहिले नै अन्त्य हुने कुनै संकेत छैन । अब यसको असर अमेरिकी अर्थतन्त्रमा पनि देखिन थालेको छ ।
शटडाउनका कारण विशेषगरी साना व्यवसायीले ट्याक्स क्रेडिट तिर्न पाउन सकेका छैनन्, जसका कारण व्यवसाय ठप्प छ । यससँगै संघीय सरकारका लाखौं कर्मचारीले तलब नपाउँदा आफ्नो बचत खर्च गर्न छाडेका छन् । यो सबै यस्तो समयमा भइरहेको छ जब अमेरिकी संघीय सरकारको ऋण ३८ ट्रिलियन डलर पुगेको छ।
(1).gif)
शटडाउनका कारण सरकारका धेरै महत्वपूर्ण कामहरु ठप्प भएका छन् । यसमा ऋण र कर क्रेडिटको प्रशोधन समावेश छ। लामो समयसम्म सटडाउन जारी रहेमा कम्पनीहरूले कर्मचारी हटाउन सुरु गर्न सक्ने अनुमान गरिएको छ । यसको कारण भनेको जनतासँग खर्च गर्ने पैसा छैन । जसका कारण धेरै कम्पनीको कारोबार प्रभावित भएको छ । उदाहरणका लागि, मानिसहरूले बाहिर खानपान कम गरेका छन्, जसले रेस्टुरेन्टहरूको आम्दानीलाई असर गरिरहेको छ।
कोरोना महामारीका कारण धेरै व्यवसायहरु सुचारु हुन महिनौं लागेपनि अहिलेको सटडाउनले उनीहरुको अवस्था फेरि नाजुक बनेको छ ।
किन भयो सटडाउन ?
अमेरिकामा अन्तिम शटडाउन डिसेम्बर २२ डिसेम्बर २०१८ मा सुरु भएको थियो र यो २५ जनवरी २०१९ सम्म अर्थात ३५ दिनसम्म चलेको थियो। यो अमेरिकी इतिहासमा सबैभन्दा लामो सटटडाउन थियो। जसका कारण अमेरिकी अर्थतन्त्रलाई ३ अर्ब डलरको नोक्सानी भएको थियो ।
अमेरिकी सरकारलाई आफ्नो खर्च पूरा गर्न कोष चाहिन्छ। यो कोष ऋण लिएर खर्च गरिन्छ। यसका लागि अमेरिकी संसद् हाउस अफ रिप्रिजेन्टेटिभमा एउटा विधेयक ल्याइन्छ । तर यसपटक कोष विधेयक संसदबाट अनुमोदन नहुँदा अक्टोबर १ देखि अमेरिका शटडाउनमा छ ।
(2).gif)
.png)
.gif)
