सुनको मूल्य ३२ डलरले घट्यो, प्रतिऔंस कति पुग्यो ?

काठमाण्डौ । अन्तर्राष्ट्रिय बजारमा सुनको मूल्य घटेको छ । आजको कारोबारमा सुनको मूल्य ०.८१ प्रतिशत अर्थात ३२.४९ डलरले घटेको छ ।

यो समाचार तयार पार्दासम्म सुनको कारोबार प्रतिऔंस ३ हजार ९३५ डलरमा भईरहेको छ ।

अमेरिकी केन्द्रीय बैंकले बुधबार २५ बेसिक प्वइन्टले ब्याजदर कटौती गर्ने निर्णय गरेको छ । यसका साथै डलर इनडेक्स पनि ०.२ प्रतिशतले घटेको छ । यसका बाबजुत पनि आज सुनको मूल्य घट्न पुगेको छ ।

चीन र अमेरिकाबीच दक्षिण कोरियामा व्यापारिक सम्झौता हुन सक्ने सम्भावना बढेको छ । जसका कारण लगानीकर्ता सुनको खरिद घटाएका छन् ।