माउन्टेन इनर्जीद्वारा २०% बोनस सेयर वितरणको निर्णय, एजीएम र बुक क्लोजको मिति पनि घोषणा

काठमाण्डौ । माउन्टेन इनर्जी नेपाल लिमीटेडले लाभांश घोषणा गरेको छ ।  

कात्तिक २० गते दिउँसो ३ बजे बसेको यो कम्पनीको सञ्चालक समितिको १३४ औं बैठकले आर्थिक वर्ष २०८१/८२ को वित्तीय विवरण पारित गरी सेयरधनीलाई २० प्रतिशत बोनस सेयर र कर प्रयोजनका लागि १.०५२६ प्रतिशत नगद लाभांश वितरणको प्रस्ताव गरेको हो । 

लाभांश सम्बन्धी यो निर्णय विद्युत नियमन आयोगबाट स्वीकृत भई कम्पनीको मंसिर २९ गते हुने वार्षिक साधारणसभाबाट पारित भएपछि कार्यान्वयनमा आउनेछ ।  

कम्पनीले साधारणसभा प्रयोजनका लागि बुक क्लोजको मिति समेत तोकेको छ । २०८२ मंसिर १७ गतेलाई बुक क्लोज मिति तोकिएको छ । 

यसको अर्थ माउन्टेन इनर्जीको लाभांश सुरक्षित गर्न तथा घोषित साधारणसभामा सहभागी बन्नका लागि मंसिर १७ भन्दा अगाडि नै सेयर खरीद गरी सेयरधनी बनिसक्नुपर्नेछ ।  

हाल यो कम्पनीको दोश्रो बजारमा सेयरमूल्य प्रतिकित्ता ६०० रुपैयाँभन्दा बढीमा कारोबार भइरहेको छ ।