बीमा अभिकर्ताको लाइसेन्स नवीकरणसम्बन्धी निर्देशन जारी, कुन अवस्थामा हुन सक्छ स्वतः खारेज ?

काठमाण्डौ । नेपाल बीमा प्राधिकरणले बीमा अभिकर्ताको लाइसेन्स नवीकरण गर्ने सम्बन्धमा नयाँ निर्देशिका जारी गरेको छ । प्राधिकरणले बीमा कम्पनीहरुलाई पत्रमार्फत निर्देशन जारी गर्दै अभिकर्ताको लाइसेन्स नवीकरण गर्दा विभिन्न कागजातसँगै प्रक्रियाहरु पुरा गर्नुपर्ने जनाएको छ ।

प्राधिकरणको निर्देशनअनुसार बीमा अभिकर्ताहरुले लाइसेन्स नवीकरण गर्न बीमा नियमावली, २०८१ को नियम ४३ को उपनियम ९१० को खण्ड ९ख० बमोजिम एक वटा बीमालेखमा नघट्ने गरी कम्तीमा १ प्रतिशत बीमालेख नवीकरण भएको प्रमाण पेश गर्नुपर्नेछ ।

साथै बीमकहरुले आईआरएमआईएस प्रणालीमा बीमा अभिकर्ताको व्यक्तिगत विवरण केवाइसी स्पष्ट र बुझिने कागजात अपलोड गरी अद्यावधिक गर्नुपर्नेछ ।

यासँगै अभिकर्ताको लाइसेन्स नवीकरणको लागि नवीकरण दस्तुर एक हजार रुपैयाँ तथा नियमन दस्तुर ५ सय रुपैयाँ गरी कुल १५ सय रुपैयाँ तिर्नुपर्नेछ ।

साथै बीमा ऐन, २०७९ को दफा ९४ को उपदफा २ बमोजिम इजाजतपत्रको अवधि भित्र नवीकरण गर्न नसकेका बीमा अभिकर्ताले म्याद सकिएको तीन महिनाभित्र अनुसूची ७ बमोजिम विलम्ब शुल्क एक हजार रुपैयाँ मात्र भुक्तानी गरी निवेदन पेश गर्न सक्ने व्यवस्था गरिएको छ ।

त्यस्तै, बीमा ऐन, २०७९ को दफा ९५ बमोमिज लाइसेन्सको म्याद सकिएको अवधिदेखि तीन महिनाभित्र अभिकर्ताले कुनै पनि निवेदन पेश नगरेको खण्डमा लाइसेन्स स्वतः खारेज हुने प्राधिकरणले जनाएको छ ।