.gif)
_(1).gif)
.png)
काठमाण्डौ । फोनपे पेमेन्ट र्सिर्भस प्रालि र जीएलएन इन्टरनेसनल(विश्वव्यापी भुक्तानी नेटवर्क)बीच नेपाल र कोरियाबिचको क्रस बोर्डर क्यूआर भुक्तानी प्रदान गर्ने सम्बधी सम्झौतापत्रमा हस्ताक्षर भएको छ ।
सम्झौता अन्तर्गत दुई कम्पनीहरूले नेपाल र कोरियामा आफ्ना सहभागी सदस्यहरू बीच क्रस बोर्डर क्यूआर कोडमा आधारित भुक्तानीहरू सहज बनाउन, यसको भुक्तानी प्रशोधन स्विचलाई एकीकृत गर्न आवश्यक नियामक, परिचालन प्राविधिक र व्यावसायिक सम्भाव्यता अन्वेषण गर्नेछन्।
फोनपे र जीएलएनको यो सहकार्यबाट कोरियाबाट नेपाल आउने पर्यटकहरूले नेपालमा क्यूआर भुक्तानी गर्न सक्ने छन् । कोरियाबाट नेपाल आउने जीएलएन प्रयोगकर्ताहरूले हाना वान क्यू, केबी वालेट,आइएम बैंक,टस हाना मनि जस्ता बैंकिङ एप्स मार्फत फोनपेको तेह्र लाख अफलाइन स्टोरहरूमा क्यूआर भुक्तानी सेवाहरू प्रयोग गर्न सक्छन् ।
(1).gif)
यसअघि, जीएलएनले दक्षिणपूर्वी एसियाली क्षेत्रहरू जस्तै थाइल्याण्ड, लाओस, भियतनाम, सिंगापुर, साथै जापान र ताइवान लगायत उत्तरपूर्वी एसियाली क्षेत्रहरूमा सफलतापूर्वक आफ्नो भुक्तानी नेटवर्क विस्तार गरिसकेको छ। फोनपेसँगको सहकार्यले जीएनएनले मध्य एशिया र अन्य एसियाली क्षेत्रहरूमा विस्तार योजनाहरूको पहल गरेको संकेत गरेको जनाइएको छ।
फोनपेका सीईओ दिवस कुमारले भने, ‘हामी जीएलएनसँग सहकार्य गरेर हाम्रो सेवालाई कोरियाली पर्यटकहरूमा विस्तार गर्न उत्साहित छौँ र हालको समयमा हाम्रो अन्तर्राष्ट्रिय विस्तार अभियानमा एक नयाँ सदस्य थप्न सफल भएका छौँ । यस सहकार्यले नयाँ अवसरहरू खोल्न प्राविधिक सहयोग गर्नेछ, वित्तीय समावेशिता बढाउन तथा नेपाललाई एक सफल डिजिटल अर्थतन्त्र सिर्जना गर्नमा सहयोग पुर्याउनेछ।’
.gif)
.png)
.jpg)
.jpg)
(1).gif)
.gif)
