(1).gif)
(1).gif)
.gif)
(3).gif)
.jpg)
.png)
काठमाण्डौ । नेपाल बैंक लिमिटेडको पुस ७ गते बसेको सञ्चालक समितिको बैठकले बैंकको ६६ औं वार्षिक साधारण सभा डाकेको छ । बैठकले आगामी पुस ३० गते काठमाण्डौको भृकुटीमण्डपमा रहेको नेपाल पुलिस क्लबमा बिहान ११ बजेदेखि सभा सुरु गर्ने निर्णय गरेको छ ।
उक्त सभामा आर्थिक वर्ष २०८१/८२ को वार्षिक प्रतिेवेदनमाथि छलफल गरी पारित गर्ने,आर्थिक वर्ष २०८१/८२ को सञ्चालक समितिको वार्षिक प्रतिवेदन छलफल गरी पारित गर्ने र लेखापरीक्षकको प्रतिवेदन सहितको २०८२ असार मसान्तको वासलात, सोही मितिमा समाप्त आर्थिक वर्ष २०८१/८२ को नाफा/नोक्सान हिसाब तथा नगद प्रवाह विवरण र सोही अवधिको वित्तीय विवरणसँग सम्बन्धित अनुसूचीहरू छलफल गरी पारित गरिनेछ ।
यस्तै सभामा आर्थिक वर्ष २०८१/८२ का लागि लेखापरीक्षक नियुक्त गर्ने र पारिश्रमिक निर्धारण गर्ने र सञ्चालकको पारिश्रमिक भत्ता र सुविधा सम्बनधी व्यवस्थामा संशोधन गर्न बैंकको नियमावली संशोधन गर्ने प्रस्ताव समेत पारित गरिनेछ ।
साधारण सभा प्रयोजनका लागि बैंकले पुस २१ गते एक दिनका लागि बुक क्लोज गर्ने निर्णय गरेको छ । यसर्थ पुस २० गतेसम्म नेप्सेमा कारोबार भई कायम भएका सेयरधनीहरु मात्रै बैंकको सभामा सहभागी हुन योग्य हुनेछन् ।
(1).gif)
(2).gif)
(2).gif)
.png)
.gif)
.jpg)
.png)
.png)
