नेप्सेमा यी ९ कम्पनीको सेयरमूल्य समायोजन, प्रतिकित्ता कति ?

काठमाण्डौ । नेपाल स्टक एक्सचेञ्ज(नेप्से)मा सूचीकृत ९ वटा कम्पनीको सेयरमूल्य समायोजन भएको छ । नेप्सेमा युनाइटेड इदीमार्दी एण्ड आरवि, समता घरेलु लघुवित्त, हिमालयन लघुवित्त, ग्लोबल आइएमई लघुवित्त, अरुण भ्याली हाईड्रोपावर, अपि पावर कम्पनी, स्वरोजगार लघुवित्त, मेरोमाइक्रोफाइनान्स लघुवित्त र कालिका पावरको सेयरमूल्य समायोजन भएको हो । यी सबै कम्पनीले गत आवका लागि आफ्ना सेयरधनीहरुका लागि प्रस्ताव गरेको बोनस सेयरका लागि सेयरमूल्य समायोजन भएको हो ।

समायोजनपश्चात युनाइटेड इदीमार्दी एण्ड आरविको सेयरमूल्य प्रतिकित्ता ५१९.०५ रुपैयाँ कायम भएको छ । समायोजन हुनुअघि कम्पनीको सेयरमूल्य प्रतिकित्ता ५४५ रुपैयाँ कायम थियो । कम्पनीले आव २०८१/८२ को खुद मुनाफा तथा सञ्चित नाफाबाट चुक्तापूँजीको ५ प्रतिशत बोनस सेयर र ०.२६ प्रतिशत नगद लाभांश(कर प्रयोजनका लागि) गरी कुल ५.२६ प्रतिशत लाभांश वितरणको प्रस्ताव गरेको छ ।

यस्तै समता घरेलु लघुवित्तले प्रस्ताव गरेको ५ प्रतिशत बोनस सेयरका लागि सेयरमूल्य समायोजन हुँदै सेयरमूल्य प्रतिकित्ता ७६४.७६ रुपैयाँ कायम भएको छ । समायोजन हुनुअघि संस्थाको सेयरमूल्य प्रतिकित्ता ८०३ रुपैयाँ कायम थियो । संस्थाले आर्थिक वर्ष २०८१/८२ सम्मको वितरणयोग्य मुनाफाबाट हाल कायम रहेको चुक्तापूँजीको ५ प्रतिशत बोनस सेयर र ०.२६३२ प्रतिशत नगद लाभांश(कर प्रयोजनका लागि)गरी कुल ५.६३२ प्रतिशत लाभांश प्रदान गर्ने निर्णय गरेको छ ।

हिमालयन लघुवित्तको सेयरमूल्य समायोजन हुँदै प्रतिकित्ता ८७२.०१ रुपैयाँ निर्धारण भएको छ । संस्थाले आव २०८१/८२ सम्मको वितरणयोग्य मुनाफाबाट २०८२ असार मसान्तसम्म कायम रहेको चुक्तापूँजीको ६.६५ प्रतिशत बोनस सेयर र ०.३५ प्रतिशत नगद लाभांश गरी कुल ७ प्रतिशत लाभांश दिने निर्णय गरेको छ ।

ग्लोबल आइएमई लघुवित्तको ४.७५ प्रतिशत बोनस सेयरका लागि सेयरमूल्य समायोजन भएको छ । जसपश्चात संस्थाको सेयरमूल्य प्रतिकित्ता १  हजार ११६.९५ रुपैयाँ कायम भएको छ । समायोजन अघि संस्थाको सेयरमूल्य प्रतिकित्ता १ हजार १७० रुपैयाँ कायम थियो । संस्थाले आर्थिक वर्ष २०८१/८२ सम्मको वितरणयोग्य मुनाफाबाट असार मसान्तसम्मको कुल चुक्तापूँजीको ४.७५ प्रतिशत बोनस सेयर र ०.२५ प्रतिशत नगद लाभांश गरी कुल ५ प्रतिशत लाभांश दिने निर्णय गरेको छ ।

अरुण भ्याली हाईड्रोपावरको सेयरमूल्य समायोजन हुँदै प्रतिकित्ता २६०.८६ रुपैयाँ कायम भएको छ । समायोजन अघि कम्पनीको सेयरमूल्य प्रतिकित्ता २७३.९० रुपैयाँ कायम थियो । कम्पनीले ५ प्रतिशत बोनस सेयर र कर प्रयोजनका लागि ०.२६३ प्रतिशत नगद लाभांशको घोषणा गरेको छ ।

अपि पावरको सेयरमूल्य समायोजन हुँदै प्रतिकित्ता २८० रुपैयाँ कायम भएको छ । समायोजन अघि कम्पनीको सेयरमूल्य प्रतिकित्ता २९४ रुपैयाँ कायम थियो । कम्पनीले गत आवको सञ्चित मुनाफाबाट चुक्तापूँजीको ५ प्रतिशत बोनस सेयर र कर प्रयोजनका लागि ०.२६३२ प्रतिशत नगद लाभांश प्रदान गर्ने निर्णय गरेको छ ।

स्वरोजगार लघुवित्तको सेयरमूल्य समायोजन हुँदै प्रतिकित्ता ८२८.०१ रुपैयाा कायम भएको छ । संस्थाले आव २०८१/८२ सम्मको वितरणयोग्य मुनाफाबाट हाल कायय चुक्तापूँजीको १४.२५ बोनस सेयर र ०.७५ प्रतिशत नगद लाभांश(कर प्रयोजनका लागि)गरी कुल १५ प्रतिशत लाभांश दिने निर्णय गरेको छ ।  

मेरो माइक्रोफाइनान्सले घोषणा गरेको ४.७५ प्रतिशत बोनस सेयरका लागि सेयरमूल्य समायोजन हुँदै प्रतिकित्ता ७११.७९ रुपैयाा कायम भएको छ । कम्पनीले गत आवको वितरणयोग्य मुनाफाबाट ४.७५ प्रतिशत बोनस सेयर र कर प्रयोजनका लागि ०.२५ प्रतिशत नगद लाभांश गरी कुल ५ प्रतिशत लाभांश दिने निर्णय गरेको छ ।  

यस्तै कालिका पावरको पनि सेयरमूल्य समायोजन हुँदै ५३०.८४ रुपैयाँ निर्धारण भएको छ । समायोजन अघि कम्पनीको सेयरमूल्य प्रतिकित्ता ५६८ रुपैयाँ कायम थियो । कम्पनीले आव २०८१/८२ को मुनाफाबाट हाल कायम चुक्तापूँजीको ७ प्रतिशत बोनर सेयर र कर प्रयोजनको लागि ०.३६८४ प्रतिशतले हुन आउने नगद लाभांश(कर प्रयोजनका लागि) प्रदान गर्ने निर्णय गरेको छ ।  

आगामी कारोबारदेखि नयाँ समायोजित मूल्यका आधारमा यी सबै कम्पनीको सेयर दोस्रो बजारमा कारोबारमा आउनेछन् ।