.gif)
_(1).gif)
.png)
काठमाण्डौ । प्रभू बैंक लिमीटेडको व्यवस्थापनका २ उच्च अधिकारीसहित १४८ कर्मचारीले जागिर छाड्ने भएका छन् ।
सेञ्चुरी कमर्सियल बैंकलाई गाभेपछि धेरै भएका कर्मचारी कटौति गर्ने उद्देश्यले बैंकले स्वेच्छिक अवकास योजना(भिआरएस स्किम) ल्याएको थियो ।
सो स्किममा सहभागिताका लागि एक डेपुटी जनरल म्यानेजर र असिस्टेन्ट जनरल म्यानेजरसहित १४८ कर्मचारीले आवेदन दिएका हुन् ।
बैंकस्थित उच्च स्रोतका अनुसार डेपुटी जनरल म्यानेजर अनुपमा श्रेष्ठ र असिस्टेन्ट जनरल म्यानेजर भोलाप्रसाद पाठकले भीआरएस स्किमका लागि आवेदन दिएका हुन् ।
भिआरएस रोजेकी अनुपमा तत्कालीन सेञ्चुरी बैंकबाट आएकी हुन् भने पाठक चाहिँ प्रभू बैंकमै लामो समयदेखि कार्यरत थिए ।
भीआरएस रोज्ने कुल १४८ कर्मचारीमध्ये माथिल्लो पदका सेञ्चुरीबाट आएका बढी छन् भने तल्लो पदका प्रभूका बढी छन् ।
भीआरएस योजनाअन्तर्गत प्रभू बैंकले ५ वर्षभन्दा कम जागिर खाएका सहायक प्रबन्धकका लागि २० महिनाको कुल तलब र ५ वर्षमाथि जागिर खाइसकेकालाई २४ महिनाको कुल तबल एकमुष्ट उपलब्ध गराउनेछ ।
यस्तै, अधिकृत तहका लागि भने ३ वर्षभन्दा बढी जागिर खानेलाई २० महिना बराबरको कुल तलब दिइनेछ ।
सेञ्चुरी समेत गाभिएपछि बैंकमा हाल ३५०० हाराहारीमा कर्मचारी कार्यरत छन् ।
बैंकले साउन तेश्रो साता भीआरएस योजना सार्वजनिक गर्दै इच्छुक कर्मचारीबाट आवेदन मागेको थियो । पहिलो चरणमा उपलब्ध म्यादमा निकै कम कर्मचारीले मात्र आवेदन दिएपछि भीआरएसकै मोडालिटीमा केही संसोधन गरी पुनः आवेदन मागिएको थियो । त्यसपछि भने कर्मचारीहरुको आवेदन परेको हो ।
.gif)
.png)
.jpg)
.jpg)
.gif)
.gif)
.gif)
