.gif)
_(1).gif)
.png)
.png)
काठमाण्डौ । शिखर इन्स्योरेन्स कम्पनीले आफ्ना कर्मचारीहरुलाई खुशी बनाएको छ । कम्पनीले गत आर्थिक वर्षमा कर्मचारी सुविधाका लागि ५१ करोड ६० लाख रुपैयाँ खर्च गरेको छ ।
यो रकम अघिल्लो आवको तुलनामा १०९.८३ प्रतिशतले बढी हो । अघिल्लो आवमा कम्पनीले आफ्ना कर्मचारी सुविधाका लागि ४६ करोड ९८ लाख रुपैयाँ खर्च गरेको थियो ।
कम्पनीले कर्मचारी बोनसका लागि मात्रै ४ करोड ८६ लाख रुपैयाँ छुट्याएको छ । जुन यो आव २०७८/७९ को तुलनामा ११९.१४ प्रतिशतले बढी हो । उक्त आवमा कम्पनीले कर्मचारीलाई ४ करोड ८ लाख रुपैयाँ बोनस बाँडेको थियो ।
कर्मचारीहरुले पाउने तलब समेत ११३ प्रतिशतले बृद्धि भएको छ । आव २०७८/७९ मा कर्मचारीलाई ११ करोड ९६ लाख रुपैयाँ तलब वितरण गरेको कम्पनीले आव २०७९/८० मा १३ करोड ५२ लाख रुपैयाँ तलब बाँडेको छ ।
यसका साथै कर्मचारीहरुले पाउने भत्ता पनि १०१.१३ प्रतिशतले बढेको छ । अघिल्लो आवमा कर्मचारीका लागि १८ करोड ८६ लाख रुपैयाँ भत्ता बाँडेको शिखर इन्स्योरेन्सले गत आवमा १९ करोड ८ लाख रुपैयाँ बाडेको छ ।
यसका साथै चाडपर्वमा कर्मचारीले पाउने भत्ता पनि ११७ प्रतिशतले बढेको छ । अघिल्लो आवमा कर्मचारीहरुलाई चाडपर्वमा २ करोड २३ लाख रुपैयाँ भत्ता तथा खर्च वितरण गरेको शिखर इन्स्योरेन्सले गत आवमा २ करोड ६१ लाख रुपैयाँ यस्तो शिर्षकमा खर्च गरेको छ ।
त्यस्तै, कम्पनीले विदा बापत पाउने भत्ता/खर्च समेत १९९ प्रतिशतले बढाएको छ । अघिल्लो आवमा कम्पनीले यस्तो शिर्षकमा १ करोड १५ लाख रुपैयाँ खर्च गरेकोमा गत आवमा २ करोड ३२ लाख रुपैयाँ खर्च गरेको छ । साथै सामाजिक सुरक्षा कोषमा पनि कम्पनीले ११३.१७ प्रतिशतले बढाएर २ करोड ७० लाख रुपैयाँ रकम छुट्याएको छ ।
.gif)
त्यस्तै, विभिन्न तालिम तथा कर्मचारीको ड्रेसका लागि कम्पनीले १ करोड ५२ लाख रुपैयाँ छुट्याएको छ । यो रकम पनि अघिल्लो आवको तुलनामा १२४.०४ प्रतिशतले बढी हो । अघिल्लो आवमा कम्पनीले यस्तो शिर्षकमा १ करोड २३ लाख रुपैयाँ छुट्याएको थियो ।
यता कम्पनीले कर्मचारीहरुको स्वास्थ्य तथा दुर्घटना बीमाका लागि भनेर १ करोड ६ लाख रुपैयाँ खर्च गरेको छ । यो रकम अघिल्लो आवको तुलनामा १०५.८७ प्रतिशतले बढी हो । अघिल्लो आवमा कम्पनीले कर्मचारी बीमा शिर्षकमा १ करोड रुपैयाँ रकम छुट्याएको थियो ।
कर्मचारीलाई खुशी बनाएपनि कम्पनीले केही वर्षयता आफ्ना सेयरधनीहरुलाई भने निराश बनाएको छ । विगतका वर्षहरुमा सेयरधनीहरुलाई उत्कृष्ट लाभांश बाँड्दै आइरहेको यस कम्पनीले केही वर्षयता लाभांश दर घटाउँदै लगिरहेको छ ।
आव २०७२/७३ मा ६० प्रतिशतसम्म बोनस सेयर बाँडेको शिखर इन्स्योरेन्सले त्यसयताका केही आवमा २९ प्रतिशत र २७ प्रतिशतका दरले बोनस वितरण गरेको थियो । कम्पनीले आव ७६/७७ मा १ः०.३० अनुपातमा हकप्रद जारी गरेपछि लाभांश दर घटेको छ ।
आव २०७८/७९ मा कम्पनीले जम्मा १६ प्रतिशत मात्रै लाभांश बाँडेको थियो । सोही आवमै कम्पनीले फेरी १ः०.३ अनुपातमा हकप्रद जारी पनि गरेको थियो । हकप्रदपश्चात् कम्पनीको लाभांश क्षमता पुनः घटे जसरी कम्पनीले आव २०७९/८० मा आफ्ना सेयरधनीलाई कुनै खालको लाभांश नबाँड्ने निर्णय गरेको छ ।
.png)
(1).png)
.png)
.jpg)
.png)
.gif)
.gif)
.gif)
