(2).gif)
.jpg)
.png)
काठमाण्डौ । चालु आवको दोस्रो त्रैमाससम्म आईपुग्दा सोनापुर मिनरल्स एण्ड आयल लिमिटेड घाटाबाट बाहिरिँदै नाफा आर्जन गर्न सफल भएको छ । कम्पनीले समीक्षा अवधिमा ४ करोड ७५ लाख रुपैयाँ खुद नाफा आर्जन गरेको छ । अघिल्लो आवको सोही अवधिमा भने कम्पनी १२ करोड २० लाख रुपैयाँ घाटामा थियो ।
कम्पनीले यो अवधिसम्म बिक्रीमार्फत १ अर्ब ६९ करोड रुपैयाँ आम्दानी गरेको छ । यो रकम अघिल्लो आवको सोही अवधिको तुलनामा ८४.५७ प्रतिशतले बढी हो । अघिल्लो आवको दोस्रो त्रैमाससम्म कम्पनीले ९१ करोड ५८ लाख रुपैयाँ आर्जन गरेको थियो । कम्पनीले १८ लाख २७ हजार रुपैयाँ अन्य आम्दानी गरेको छ । जुन अघिल्लो आवमा ३ लाख १ हजारमा सीमित थियो ।
यद्यपि, आम्दानी वृद्धिसँगै खर्च पक्षमा पनि उल्लेख्य चाप देखिएको छ। विशेषगरी वित्त खर्च दोब्बर नजिक पुग्दै १२ करोड ५२ लाखबाट २४ करोड ६७ लाख रुपैयाँ पुगेको छ। त्यस्तै, ह्रासकट्टी खर्च ४ करोड १८ लाखबाट बढेर ८ करोड ५४ लाख पुगेको छ। बिक्री तथा वितरण खर्च ९३ लाख ९१ हजार र प्रशासनिक खर्च ६ करोड ९ लाख रुपैयाँ पुगेको छ।
कम्पनीको रिजर्भ ९४ करोड ७ लाखबाट बढेर १ अर्ब १५ करोड पुगेको छ भने सेक्युरिटी प्रिमियम शीर्षकमा १ अर्ब ६५ करोड रुपैयाँ सञ्चित रहेको छ ।
समीक्षा अवधिसम्म कम्पनीको प्रतिसेयर आम्दानी १.५४ रुपैयाँ , प्रतिसेयर नेटवर्थ १९१.४२ रुपैयाँ, प्रतिसेयर कुल सम्पत्तिको मूल्य ४८०.३० रुपैयाँ र तरलता अनुपात १.१७ प्रतिशत कायम भएको छ ।
.png)
.png)
