(1).gif)
(2).gif)
.jpg)
.png)
काठमाण्डौ । ७ निर्वाचन क्षेत्रमा शानदार जित हासिल गर्दै रास्वपाले प्रतिनिधिसभा निर्वाचनको मतपरिणाममा अग्रता लिएको छ ।
शुक्रबार मध्यराति १२ बजेसम्म प्राप्त अपडेटअनुसार रास्वपाले काठमाण्डौका ६ र कास्कीको १ सहित ७ निर्वाचन क्षेत्रमा फराकिलो मतान्तरसहितको जित हासिल गरेको हो ।
काठमाण्डौ १, ३, ६, ७, ८ र १० निर्वाचन क्षेत्रमा रास्वपाका उम्मेद्वारले जित हासिल गरेका छन् ।
यस्तै, कास्की ३ मा समेत रास्वपाकै उम्मेद्वार विजयी भएका छन् ।
.gif)
(1).gif)
जितेबाहेक अझै १०६ निर्वाचन क्षेत्रमा रास्वपाले अग्रता लिइरहेको छ । त्यसमध्ये काठमाण्डौका बाँकी ४ क्षेत्र, ललितपुरका ३ वटै क्षेत्र र कास्कीका बाँकी २ क्षेत्रमा समेत रास्वपा जित नजिक छ ।
झापा, मोरंग जस्ता क्षेत्रमा समेत रास्वपा क्लिन स्वीप गर्ने अभियानसहित अगाडि बढिरहेको देखिएको छ ।
रास्वपापछि ३ सिटमा जित निकाल्दै कांग्रेस दोश्रो पोजिसनमा देखिएको छ । कांग्रेसले मनांग, मुस्तांग र रसुवामा जित निकालेको छ ।
अन्य १० निर्वाचन क्षेत्रमा कांग्रेस उम्मेद्वारले अग्रता लिएका छन् ।
.gif)
(1).gif)
एमालेले यो समाचार तयार पार्दासम्म कतै पनि जित्न सकेको छैन । यो पार्टीका उम्मेद्वार १४ स्थानमा अग्रतासहित अगाडि बढिरहेका छन् ।
नेकपाले २ स्थानमा जित निकालेको छ । कालीकोट १ र रुकुमपूर्व १ मा माओवादी उम्मेद्वार विजयी भएका हुन् । बाँकी १० निर्वाचन क्षेत्रमा यो दल अगाडि देखिएको छ ।
यस्तै, श्रम संस्कृति पार्टी ६ स्थानमा अगाडि देखिएको छ । राप्रपा १, प्रलोपा १ र स्वतन्त्र १ स्थानमा अगाडि छन् ।
यो समाचार तयार पार्दासम्म १६१ निर्वाचन क्षेत्रमा मतगणना जारी छ ।
(2).gif)
.png)
.gif)
.jpg)
.jpg)
(1).gif)
