.gif)
(2).gif)
.jpg)
_(1).gif)
.png)
काठमाण्डौ । बैंकिङ प्रणालीको निक्षेप एकै दिन १.४८ प्रतिशतले घटेको छ । नेपाल राष्ट्र बैंकको तथ्यांक अनुसार चैत २० गते बैंकिङ प्रणालीबाट ९२ अर्ब बाहिरिएको हो । चैत १९ गते ६१ खर्ब ९९ अर्ब रुपैयाँ निक्षेप संकलन रहेको बैंकिङ प्रणालीमा चैत २० गते भने १.४८ प्रतिशतले घटेको हो ।
चैत २० गते बैंकिङ प्रणालीको कुल निक्षेप घटेर ६१ खर्ब ७ अर्ब रुपैयाँमा सीमित बनेको छ । कुल निक्षेपमा वाणिज्य बैंकहरुको निक्षेप ५३ खर्ब ९४ अर्ब रुपैयाँ रहेको छ । अघिल्लो दिन वाणिज्य बैंकहरुको कुल निक्षेप ५४ खर्ब ८५ अर्ब रहेको थियो । यसरी वाणिज्य बैंकहरुको निक्षेप पनि एक दिनको अन्तरालमा ९१ अर्बले घटेको छ ।
बैंकिङ क्षेत्रको कुल कर्जा प्रवाह भने स्थिर रहेको छ । अघिल्लो दिन ५० खर्ब ८८ अर्ब रहेको कर्जा प्रवाह चैत २० मा पनि यति नै रहेको छ । बैंकिङ प्रणालीको निक्षेप घटेसँगै सीडी रेसियो ७९.६९ प्रतिशतबाट बढेर ८०.८६ प्रतिशत पुगेको छ ।
चैत १९ गते अर्थ मन्त्रालयले बैंकहरुले स्थानीय तहको सञ्चित कोषको रकमलाई निक्षेपमा गणना नपाउने निर्णय कार्यान्वयन गराउन नेपाल राष्ट्र बैंकलाई पत्राचार गरेको थियो । चैत १६ गतेको अर्थमन्त्रीस्तरीय बैठकले यस्तो निर्णय गरेको थियो ।
अर्थमन्त्रीस्तरीय बैठकले स्थानीय तहको सञ्चित कोषमा रहेको मौज्दातलाई वाणिज्य बैंकको निक्षेपमा गणना गर्ने व्यवस्था हटाउने निर्णय गरेको थियो । हालसम्म स्थानीय तहको सञ्चित कोषमा मौज्दात रहेको रकमको ६० वाणिज्य बैंकहरुले निक्षेपको रुपमा गणना गर्दै आएका थिए । स्थानीय तहको सञ्चित कोषमा रहेको मौज्दातलाई वाणिज्य बैंकको निक्षेपमा गणना नपाउने भएपछि बैंकिङ प्रणालीको निक्षेप घट्ने देखिएको छ ।
.gif)
.png)
.jpg)
.jpg)
(1).gif)
