बीमा कम्पनीहरुलाई डीसीईओको विवरण ३ दिनभित्र पेश गर्न प्राधिकरणको निर्देशन

काठमाण्डौ । नेपाल बीमा प्राधिकरणले बीमा कम्पनीहरुलाई उप–प्रमुख कार्यकारी अधिकारी (डीसीईओ)हरुको विवरण पेश गर्न निर्देशन दिएको छ । प्राधिकरणले जीवन तथा निर्जीवन बीमकलाई ३ दिनभित्र डीसीइओको विवरण बुझाउन निर्देशन दिएको हो ।  

प्राधिकरणले सक्सेसन प्लान अन्तर्गत बीमा कम्पनीहरुलाई यस्तो विवरण बुझाउन निर्देशन दिएको प्राधिकरणका कानून, उप–निर्देशक शाम्भाराज लामिछानेले बताए ।  

Sponsored

Sponsored

‘बीमा कम्पनीहरुमा पछिल्लो समय उप–प्रमुख कार्यकारी अधिकृत पद रिक्त रहेको र पदबिना नै कम्पनीहरुमा सम्पूर्ण काम भइरहेको पाइएकाले डीसीईओको नामसहितको सम्पूर्ण विवरण पेश गर्न निर्देशन दिएका हौं’ लामिछानेले भने, ‘बीमकको संस्थागत सुशासनसम्बन्धी निर्देशिकामा नै डीसीईओ राख्नुपर्ने व्यवस्था छ, अबको ३ दिनभित्र सम्पूर्ण बीमा कम्पनीले विवरण पेश गनुपर्नेछ ।’  

बीमा कम्पनीको संगठन भित्रको महत्वपूर्ण पदहरु पहिचान गर्ने र उक्त पदहरु ग्रहण गर्ने व्यक्तिहरुको लागि कार्य योजनाहरु विकास गर्न प्राधिकरणले सक्सेसन प्लानिङअन्तर्गत बीमकहरुलाई डीसीईओको विवरण माग गरेको लामिछानेले बताए ।