नेपाल माइक्रो इन्स्योरेन्सले डाक्यो साधारण सभा, के–के छन् प्रस्ताव ?

काठमाण्डौ । नेपाल माइक्रो इन्स्योरेन्स कम्पनीले तेस्रो वार्षिक साधारण सभा आह्वान गरेको छ । कम्पनीको चैत १० गते बसेको सञ्चालक समितिको बैठकले सभा वैशाख १० गते चितवन मिडटाउन होटल भरतपुरमा बिहान ११ बजे बस्ने बस्ने निर्णय गरेको हो ।  

सभामा आर्थिक वर्ष २०८१।०८२ को बार्षिक प्रतिवेदन माथि छलफल गरी पारित गर्नुका साथै लेखापरीक्षकको प्रतिवेदन सहित आर्थिक वर्ष २०८१।०८२ को कम्पनीको वासलात, नाफा नोक्सान हिसाब तथा नगद प्रवाह विवरण र सोसँग सम्बन्धित अनुसूचीहरु सहितको वित्तीय विवरण माथि छलफल गरी पारित गर्नेछ ।

साथै चालु आर्थिक वर्ष २०८२।०८३ को लागि कम्पनीको बाहय् लेखापरीक्षकको नियुक्ति र निजको पारिश्रमिक निर्धारण गर्ने र कम्पनीले सामाजिक उत्तर दायित्व अन्तर्गत गरेको खर्च अनुमोदन गर्ने प्रस्ताव समेत सभाको एजेण्डा रहेको छ ।

कम्पनीले साधारण सभा प्रयोजनका लागि चैत २६ गते बुक क्लोजको मिति तय गरेको छ । यसर्थ चैत २५ गतेसम्म कायम सेयरधनीहरु मात्रै सभामा उपस्थित हुन पाउनेछन् ।