नासा सेक्युरिटिजले सुरु गर्यो मार्जिन ट्रेडिङ कारोबार

काठमाण्डौ । नासा सेक्युरिटिज कम्पनी लिमिटेड (ब्रोकर नं.५८)ले मार्जिन ट्रेडिङ कारोबार सुरु गरेको जनाएको छ ।

नियामक निकायबाट मार्जिन कारोबारसम्बन्धी कार्यविधि लागू भएसँगै उक्त सेवा सञ्चालन गर्ने पहिलो ब्रोकर कम्पनीका रूपमा नासा सेक्युरिटिज नेपालमा स्थापित भएको छ ।

सेवा प्रारम्भ गरेको पहिलो दिनमै कम्पनीले आफ्ना ग्राहकहरूलाई करिब १४ करोड रुपैयाँ बराबरको मार्जिन ट्रेडिङ सुविधा उपलब्ध गराएको छ । यस उपलब्धिले नासाको नवीन पहलप्रतिको प्रतिबद्धता देखाउनुका साथै नेपालको पूँजी बजारको विकासमा यसको अग्रणी भूमिका पनि प्रष्ट पार्छ ।

मुख्य विशेषताहरू

• लगानीकर्ताले ३० प्रतिशत प्रारम्भिक मार्जिन राखी कारोबार गर्न सक्नेछन् र बाँकी ७० प्रतिशत रकम नासाबाट उपलब्ध हुनेछ
• सुविधा रकम रु १० लाखदेखि रु २ करोडसम्म उपलब्ध हुनेछ
• अवधि १ महिना, २ महिना र ३ महिना
• ब्याज तथा सेवा शुल्क करिब १ प्रतिशत प्रतिमहिना, लामो अवधिमा छुटको व्यवस्था भएको

जोखिम व्यवस्थापन

• न्यूनतम २० प्रतिशत सम्भार मार्जिन कायम राख्नुपर्ने
• सम्भार मार्जिन २० प्रतिशत भन्दा कम भएमा मार्जिन कल गरिने
• नियामक निकायको मार्जिन ट्रेडिङ कार्यबिधि २०८२ पूर्ण रूपमा पालन गर्नुपर्ने

योग्य धितोपत्र

• मार्जिन कारोबार नेप्सेद्वारा स्वीकृत कम्पनीहरूको सूचीभित्र मात्र गर्न पाइनेछ।

सेवा लिनको लागि प्रक्रिया

• मार्जिन डिम्याट खाता र मार्जिन ट्रेडिङ खाता खोल्नुपर्ने
• प्रक्रिया पूरा गरी मार्जिन सम्झौतामा हस्ताक्षर गर्नुपर्ने

यस सुविधाको सुरुवातसँगै नासा सेक्युरिटिजले लगानीकर्ताको सहभागिता वृद्धि, बजारमा तरलता अभिवृद्धि तथा लगानी अवसरहरू विस्तार गर्ने लक्ष्य राखेको छ।