कांग्रेसको संगठन सुदृढीकरण अभियानअन्तर्गत प्रदेशस्तरीय भेला आजदेखि सुर्खेतमा शुरु

काठमाण्डौं । नेपाली कांग्रेसले प्रदेश तथा स्थानीय तह केन्द्रित ‘प्रदेशस्तरीय भेला’ आजदेखि सुर्खेतमा शुरु गर्दैछ।

दुईदिने भेलाको उद्घाटन पार्टी सभापति गगनकुमार थापा ले गर्ने कार्यक्रम रहेको छ।

 

भेलामा सहभागी हुन उपसभापति विश्वप्रकाश शर्मा र महामन्त्री प्रदीप पौडेल समेत सुर्खेत पुगिसकेका छन्।  

सभापति थापाको सचिवालयका अनुसार भेलामा प्रदेश कार्यसमिति, जिल्ला पदाधिकारी तथा स्थानीय तहका जनप्रतिनिधिबीच पार्टीको आगामी रणनीति, संगठन विस्तार तथा स्थानीय तहमा पार्टीको भूमिकाबारे छलफल हुनेछ।

कांग्रेसले सातै प्रदेशमा संगठन मजबुत बनाउन यस्ता भेला सञ्चालन गरिरहेको जनाएको छ।

यसअघि वैशाख २६ र २७ गते धनगढी मा सुदूरपश्चिम प्रदेशस्तरीय भेला सम्पन्न भइसकेको थियो।