स्नो रिभर्सको आईपीओ बाँडफाँड, ५ जनाले पाए ११ कित्ता सेयर

काठमाण्डौ । स्नो रिभर्स लिमिटेडको आईपीओ बाँडफाँड भएको छ । कम्पनीले गत वैशाख २९ गतेदेखि जेठ गतेसम्मको म्याद राखि बिक्री प्रबन्धक सानिमा क्यापिटलमार्फत जारी गरेको आईपीओ आज बाँडफाँड गरेको हो ।

कम्पनीले सर्वसाधारणका लागि रु. १०० अंकित दरका ७ लाख ७८ हजार १२५ कित्ता आईपीओ जारी गरेको थियो । उक्त आईपीओमा निर्धारित समयावधिसम्म कम्पनीले माग गरेभन्दा बढी कित्ता सेयरका लागि आवेदन परेकाले बाँडफाँड गोलाप्रथा विधिबाट गरिएको बिक्री प्रबन्धक सानिमा क्यापिटलले जनाएको छ ।

कम्पनीको आईपीओमा मागभन्दा ३५.२९ गुणा बढी आवेदन परेको छ ।

क्यापिटलका अनुसार कम्पनीको उक्त आईपीओमा २६ लाख १ हजार ८४८ कित्ता आवेदकले २ करोड ७९ लाख ५९ हजार ८६० कित्ता सेयरका लागि खरिद आवेदन दिएका थिए । जसमध्ये २५ लाख ५७ हजार ८५५ जना आवेदकबाट २ करोड ७४ लाख ५७ हजार ६ सय कित्ता सेयर खरिदका लागि परेको आवेदन सदर भएको छ ।

सदर आवेदकमध्ये ७७ हजार ८१२ जना आवेदकलाई १० कित्ताका दरले ७ लाख ७८ हजार १२० कित्ता आईपीओ प्रदान गरिएको छ । बाँकी ५ कित्ता सेयर भने आईपीओ परेका ५ जनालाई थप १÷१ कित्ताका दरले प्रदान गरिएको छ ।

बाँकी आवेदकको हात भने रित्तो भएको छ ।