सालपा विकास बैंकको लक इन अवधि असार २४ गते समाप्त हुँदै

काठमाण्डौ । सालपा विकास बैंक लिमिटेडको लक इन अवधि असार २४ गतेपश्चात समाप्त हुने भएको छ । बैंकको सामुहिक लगानी कोषका लागि सुरक्षित गरिएको ८६ हजार १९४ कित्ता सेयरको लक इन अवधि उक्त मितिपश्चात समाप्त हुन लागेको हो ।

सामुहिक लगानी कोषका लागि सुरक्षित गरिएको सेयर बाँडफाँड भएको मितिले ६ महिनासम्म लक इनमा राख्नु पर्ने व्यवस्था रहेको छ । 

सालपा विकास बैंकले सर्वसाधारणलाई जारी गरेको आईपीओ विसं २०८२ पुस २५ गते बाँडफाँड गरेको थियो । 

उक्त आईपीओ बाँडफाँड भएको ६ महिना पुरा हुन लागेकाले सामुहिक लगानी कोषका लागि छुट्टाइएको सेयरको लक इन अवधि सकिन लागेको हो ।