.gif)
(2).gif)
.jpg)
_(1).gif)
.png)
काठमाण्डौ । बैंकिङ प्रणालीको निक्षेप एकै दिन ५ अर्ब रुपैयाँले बढेको छ । नेपाल राष्ट्र बैंकले सार्वजनिक गरेको ताजा तथ्यांक अनुसार वैशाख ७ गते बैंकिङ प्रणालीबाट ५ अर्ब रुपैयाँ थपिएको हो । केन्द्रीय बैंकको तथ्यांक अनुसार वैशाख ७ गतेसम्म बैंकिङ प्रणालीमा ६१ खर्ब ४२ अर्ब रुपैयाँबराबरको निक्षेप संकलन छ । वैशाख ६ गतेसम्म भने बैंकिङ प्रणालीमा ६१ खर्ब ३७ अर्ब रुपैयाँ निक्षेप रहेको थियो ।
वाणिज्य बैंकहरुको निक्षेपमा पनि ५ अर्ब रुपैयाँले बढेको छ । कुल निक्षेपमा वाणिज्य बैंकहरुको निक्षेप ५४ खर्ब २८ अर्ब रुपैयाँ रहेको छ । वैशाख ६ गते दिन वाणिज्य बैंकहरुको कुल निक्षेप ५४ खर्ब २३ अर्ब रहेको थियो ।
यस्तै अन्य वित्तीय संस्थाको निक्षेप भने स्थिर रहेको छ । अन्य वित्तीय संस्थाको निक्षेप ७ खर्ब १४ अर्ब रुपैयाँ रहेको छ ।
बैंकिङ क्षेत्रको कुल कर्जा प्रवाह भने घटेको छ । वेशाख ६ गते ५१ खर्ब ३ अर्ब रहेको कर्जा प्रवाह वैशाख ७ गतेसम्म १ अर्बले घटेर ५१ खर्ब २ अर्बमा सीमित बनेको छ । यस्तै सीडी रेसियो ८०.८२ प्रतिशतबाट घटेर ८०.७३ प्रतिशत कायम भएको छ । अन्तरबैंक ब्याजदर पनि केहि घटेको छ । गत वैशाख ६ गते २.९५ प्रतिशत रहेको अन्तरबैंक ब्याजदर घटेर २.७६ प्रतिशत कायम भएको छ ।
.gif)
.png)
.jpg)
.jpg)
(1).gif)
