खड्का निवासमा देउवा समूहका शीर्ष नेताहरुको बैठक सुरु

काठमाडौं । नेपाली कांग्रेसको देउवा समूहका वरिष्ठ नेताहरुको बैठक सुरु भएको छ। निवर्तमान कार्यवाहक सभापति पूर्णबहादुर खड्काको निवासमा बैठक सुरु भएको हो।

बैठकमा खड्कासहित प्रकाशमान सिंह, कृष्णप्रसाद सिटौला, महालक्ष्मी उपाध्याय ‘डिना’ र डा. शशांक कोइराला सहभागी छन्।

त्यस्तै, नेताहरु रमेश लेखक, एनपी साउद, डा. प्रकाशशरण महत, मीनबहादुर विश्वकर्मा, आनन्दप्रसाद ढुंगाना, वीरबहादुर बलायर, श्याम घिमिरे र मोहनबहादुर बस्नेतलगायत पनि बैठकमा उपस्थित छन्।

पछिल्लो समय कांग्रेसभित्र आन्तरिक समीकरण र आगामी रणनीतिबारे छलफल तीव्र भइरहेका बेला देउवा समूहका शीर्ष नेताहरुको यो बैठकलाई अर्थपूर्ण रूपमा हेरिएको छ।