डलर कमजोर बनेपछि सुनको मूल्य बढ्यो, प्रतिऔंस कति पुग्यो ?

काठमाण्डौ । अमेरिकी डलर कमजोर बनेसँगै अमेरिकी फेडरल रिजर्भले आगामी सेप्टेम्बरमा ब्याजदर बढाउने सम्भावना घटेपछि अन्तर्राष्ट्रिय बजारमा सुनको मूल्य सोमबार बढेको छ।

यो समाचार तयार पार्दासम्म स्पट गोल्डको मूल्य ०.३२ प्रतिशत अर्थात १४ डलरले बढेर प्रतिऔंस ४ हजार ३९३ अमेरिकी डलर पुगेको छ। गत साता सुनको मूल्य दुई महिनाभन्दा बढी समययताकै उच्च तहमा पुगेको थियो।

अमेरिकी डलर सूचकांक ०.१ प्रतिशतले घटेको छ। डलर कमजोर हुँदा अन्य मुद्रामा कारोबार गर्ने लगानीकर्ताका लागि डलरमा मूल्य निर्धारण हुने सुन तुलनात्मक रूपमा सस्तो पर्छ, जसले माग बढाउन सहयोग गर्छ।

Sponsored

Sponsored

अमेरिकामा पछिल्लो समय सार्वजनिक भएका कमजोर आर्थिक तथ्यांकले फेडरल रिजर्भले सेप्टेम्बरमा ब्याजदर बढाउने सम्भावना घटाएको छ। जुलाईमा अपेक्षाविपरीत रोजगारी घट्नु तथा उपभोक्ता मुद्रास्फीति तुलनात्मक रूपमा नरम रहनुले दर वृद्धि तत्काल नहुने अपेक्षा बढाएको हो।

ब्याजदर कम हुने अपेक्षाले प्रतिफल नदिने सम्पत्ति सुन राख्दाको अवसर लागत घटाउने भएकाले सुनप्रति लगानीकर्ताको आकर्षण बढ्ने गर्छ।

अमेरिकी केन्द्रीय बैंकको जुलाई बैठकको विवरण बुधबार सार्वजनिक हुने भएकाले त्यसबाट आगामी मौद्रिक नीतिबारे थप संकेत प्राप्त हुने बजारको अपेक्षा छ।

यस्तै आज चाँदीको भाउपनि ०.९९ प्रतिशतले बढेर प्रतिऔंस ६५.५८ डलर पुगेको छ ।