.gif)
(2).gif)
.jpg)
_(1).gif)
.png)
काठमाण्डौ । नेपाल राष्ट्र बैंकले सार्वजनिक गरेको तथ्यांक अनुसार वैशाख २२ गतेसम्म बैंकिङ प्रणालीमा ६१ खर्ब ६५ अर्ब रुपैयाँबराबरको निक्षेप संकलन रहेको छ । केन्द्रीय बैंकको तथ्यांक अनुसार वैशाख २१ गतेसम्म भने बैंकिङ प्रणालीमा ६१ खर्ब ६६ अर्ब रुपैयाँ निक्षेप रहेको थियो । यसरी बैंकिङ प्रणालीको निक्षेप एकै दिन १ अर्ब रुपैयाँले घटेको छ ।
वाणिज्य बैंकहरुको निक्षेप पनि १ अर्ब रुपैयाँले घटेको छ । कुल निक्षेपमा वाणिज्य बैंकहरुको निक्षेप ५४ खर्ब ५२ अर्ब रुपैयाँ रहेको छ । वैशाख २१ गतेसम्म वाणिज्य बैंकहरुको कुल निक्षेप ५४ खर्ब ५३ अर्ब रहेको थियो ।
यस्तै अन्य वित्तीय संस्थाको निक्षेप भने स्थिर रहेको छ । अन्य वित्तीय संस्थाको निक्षेप ७ खर्ब १४ अर्ब रुपैयाँ रहेको छ ।
बैंकिङ प्रणालीको कुल कर्जा प्रवाह पनि घटेको छ । वैशाख २१ गतेसम्म ५१ खर्ब ४ अर्ब रहेको कर्जा प्रवाह १ अर्बले घटेर वैशाख २२ गतेसम्म ५१ खर्ब ३ अर्ब रुपैयाँ पुगेको छ । सीडी रेसियो ८०.४५ प्रतिशतबाट बढेर ८०.४६ प्रतिशत कायम भएको छ । अन्तरबैंक ब्याजदर भने स्थिर अर्थात २.४९ प्रतिशत कायम भएको छ ।
.gif)
.png)
.jpg)
.jpg)
(1).gif)
