.gif)
.gif)
.png)
काठमाण्डौ । नेपाल टेलिकमले बाढी प्रभावित क्षेत्र तथा आसपासका सेवाग्राहीलाई उपलब्ध गराउँदै आएको निःशुल्क भ्वाइस, डेटा र एसएमएस सेवा अर्को व्यवस्था नभएसम्म निरन्तर उपलब्ध गराउने भएको छ।
कम्पनीले बाढी प्रभावित क्षेत्रमा राहत वितरण तथा उद्धार कार्यलाई सहज बनाउन निःशुल्क दूरसञ्चार सुविधा निरन्तर गर्ने निर्णय गरेको हो।
यसअघि भदौ १४ गतेसम्मका लागि निःशुल्क भ्वाइस कल, प्रतिदिन २ जीबी डेटा तथा ५० वटा एसएमएस सुविधा उपलब्ध गराइएको थियो। अब उक्त सुविधाको अवधि थप गरिएको नेपाल टेलिकमले जनाएको छ।
कम्पनीले बाढी प्रभावित क्षेत्रका बासिन्दालाई उपलब्ध गराइएको निःशुल्क सेवा आवश्यकता अनुसार उपयोग गर्न आग्रह गरेको छ।
बाढीका कारण नेपाल टेलिकमका विभिन्न भौतिक संरचनामा समेत क्षति पुगेको भए पनि दूरसञ्चार सेवा सकेसम्म नियमित राख्न तथा क्षतिग्रस्त संरचनाको मर्मतसम्भार गर्न प्राविधिक टोली निरन्तर परिचालन भइरहेको कम्पनीले जनाएको छ।
टेलिकमका अनुसार अधिकांश प्रभावित संरचना पुनः सञ्चालनमा आइसकेका छन् भने बाँकी संरचना पनि सञ्चालनमा ल्याउन प्राविधिकहरू निरन्तर खटिरहेका छन्।
विपद्को समयमा सेवाग्राहीलाई आफ्ना परिवार तथा आफन्तसँग सञ्चार सम्पर्क कायम राख्न सहयोग पुग्ने उद्देश्यले निःशुल्क सेवा निरन्तर गरिएको कम्पनीका प्रवक्ता डा. कमल लामिछानेले जनाएका छन्।
.png)
(34).jpg)
.webp)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।