.gif)
.gif)
.jpg)
.png)
काठमाण्डौ । दक्षिण कोरियाली कार निर्माता कम्पनी हुन्डाईले नेपालमा एसेम्बल प्लान्ट स्थापना गरेको छ । कम्पनीले नेपालका लागि हुन्डाईको आधिकारिक बिक्रेता लक्ष्मी मोटर कर्पोरेशनसँगको सहकार्यमा उक्त प्लान्ट सञ्चालनमा ल्याएको हो ।
उक्त प्लान्टको उद्घाटन आज एक कार्यक्रमका बीच प्रधानमन्त्री पुष्पकमल दाहालले गरेका हुन् । उक्त एसेम्बल प्लान्ट नवलपारी पश्चिमको रामग्राम नगरपालिका ६ मा स्थापना गरिएको छ ।
यो प्लान्ट चारपांग्रे सवारी एसेम्बल हुने नेपालकै पहिलो प्लान्ट हो । दुई पांग्रे सवारीका एसेम्बल प्लान्टहरु भने यसअघि देखिनै सञ्चालनमा रहेका छन् ।
सरकारले सवारी साधन एसेम्बलका लागि विभिन्न कर् सहुलियत प्रदान गर्दै आईरहेको छ । सरकारले कार एसेम्बलमा कम्प्लिटली नक्ड डाउ(सीकेडी)भन्सारमा २५ प्रतिशत अन्तःशुल्कमा ५० प्रतिशत र अन्य आयकर छुट प्रदानको व्यवस्था गरेको छ ।
प्लान्ट उद्घाटन समारोहमा बोल्दै प्रधानमन्त्री दाहालले उद्योगी–व्यवसायी लगायत लगानीकर्ताको मनोबल उच्च राख्दै देशको आर्थिक रूपान्तरणमा गति दिन सरकार प्रतिबद्ध रहेको बताए । दाहालले निजी क्षेत्रलाई विश्वासमा लिएर अर्थतन्त्र सुदृढीकरण गर्दै लगानी सहजीकरण गर्न सरकार प्रतिबद्ध रहेको समेत बताए ।
‘निजी क्षेत्रको लगानी एवं राज्य र निजी क्षेत्रको सहकार्यबिना देशको अर्थतन्त्र सवल हुन सक्दैन, उत्पादकत्व वृद्धि हुन सक्दैन, रोजगारीका अवसरहरू सिर्जना हुन सक्दैनन्, देशभित्र लगानीको वातावरण निर्माण गर्न, निजी क्षेत्रलाई प्रवर्द्धन गर्न, लगानीका क्षेत्रहरूको सुरक्षा र सहजीकरणका निम्ति सरकार हरदम साथमा छ ।’ प्रधानमन्त्रीले भने ।
यसले थप लगानीकर्ता नेपालमा लगानी गर्न आकर्षित हुने र आयात प्रतिस्थापना हुँदै रोजगारीको सिर्जना समेत हुने प्रधानमन्त्रीले विश्वास व्यक्त गरे ।
यसका साथै उनले नेपालने गाडी उत्पादन हुने भएपछि नेपालीहरुले सहुलियत मूल्यमा गाडी खरिद गर्न पाउने बताए ।
.png)
.jpg)
.jpg)
.jpg)
.gif)
(1).gif)
.gif)
