लाभांश पारित गर्न सर्वोत्तम पेन्ट्सले डाक्यो साधारण सभा, बुकक्लोज कहिले ?

काठमाण्डौ । सर्वोत्तम पेन्ट्स लिमिटेडले आफ्नो पाँचौं वार्षिक साधारण सभा आगामी असोज २५ गते, आइतबार आयोजना गर्ने भएको छ ।

कम्पनीको सञ्चालक समितिको ८६औँ बैठकले साधारण सभा आयोजना गर्ने निर्णय गरेको हो । सभा दिउँसो १ बजे कैलालीको गोदावरी–२, अत्तरियास्थित होटल जंगल स्पा प्रा.लि.मा हुने कम्पनीले जनाएको छ ।

सभामा कम्पनीले चुक्ता पूँजीको १० प्रतिशत बोनस सेयर वितरण गर्ने प्रस्ताव अघि सारेको छ ।  

त्यस्तै, बोनस सेयरमा लाग्ने कर प्रयोजनका लागि १७ लाख ८९ हजार ४७४ रुपैयाँ नगद लाभांश वितरण गर्ने प्रस्ताव गरिएको छ । यसअनुसार कम्पनीले कुल १० प्रतिशत बोनस शेयर तथा कर प्रयोजनका लागि नगद लाभांश वितरण गर्ने प्रस्ताव गरेको हो ।

साधारण सभा प्रयोजनका लागि कम्पनीले २०८३ असोज १३ गते सेयर नामसारी तथा दाखिल खारेज (बुकक्लोज)बन्द गर्ने भएको छ । यसर्थ असोज १२ गतेसम्म कायम सेयरधनी मात्रै सभामा उपस्थित हुन र प्रस्तावित लाभांश प्राप्त गर्न योग्य हुनेछन् ।