नाडाका सचिव मेघराज पौडेललाई एफएनसीसीआईमा नयाँ जिम्मेवारी

काठमाण्डौ । नाडा अटोमोबाइल्स एसोसिएशन अफ नेपालका सचिव मेघराज पौडेल नेपाल उद्योग वाणिज्य महासंघअन्तर्गतको यातायात तथा पारवहन समितिको उपसभापतिमा मनोनीत भएका छन्।

महासंघका कार्यकारिणी समिति सदस्य लिलेन्द्रप्रसाद प्रधानको सभापतित्वमा गठित उक्त समितिको उपसभापतिमा पौडेललाई मनोनयन गरिएको हो।

महासंघले पौडेलको अनुभव, ज्ञान तथा सक्रिय सहभागिताबाट यातायात तथा पारवहन क्षेत्रका चुनौती समाधान, व्यापार सहजीकरण तथा महासंघका कार्यक्रमलाई थप प्रभावकारी बनाउन महत्वपूर्ण योगदान पुग्ने विश्वास व्यक्त गरेको छ।

समितिको कामलाई प्रभावकारी, परिणाममुखी तथा व्यवसायीमैत्री बनाउन पौडेलको सक्रिय भूमिका, रचनात्मक सुझाव तथा निरन्तर सहयोग अपेक्षा गरिएको महासंघले जनाएको छ।

यातायात तथा पारवहन क्षेत्रसँग सम्बन्धित नीतिगत तथा व्यावसायिक विषयमा निजी क्षेत्रको समन्वय बढाउने, व्यापार सहजीकरण गर्ने र क्षेत्रगत समस्या समाधानमा पहल गर्ने उद्देश्यसहित समिति क्रियाशील रहने बताइएको छ।