.gif)
.gif)
.gif)
.jpeg)
.png)
काठमाण्डौ । नेपाली कांग्रेसले आगामी १५औँ महाधिवेशनको उद्घाटन समारोहमा सहभागी हुन भारत, चीन, अमेरिका, बेलायत, जर्मनी र बंगलादेशलगायत विभिन्न मुलुकका राजनीतिक दल तथा अन्तर्राष्ट्रिय राजनीतिक संस्थालाई निमन्त्रणा पठाएको छ ।
कांग्रेसको १५औँ केन्द्रीय महाधिवेशन असोज १६ देखि १९ गतेसम्म काठमाण्डौमा आयोजना हुँदैछ ।
पार्टीका अनुसार भारतको सत्तारुढ भारतीय जनता पार्टी (भाजपा) र प्रमुख प्रतिपक्षी कांग्रेस आईलाई उद्घाटन समारोहमा सहभागी हुन निमन्त्रणा गरिएको छ ।
यस्तै, चीनको चिनियाँ कम्युनिस्ट पार्टीलाई पनि निमन्त्रणा पठाइएको छ भने अमेरिकाका रिपब्लिकन र डेमोक्रेटिक पार्टीलाई समेत महाधिवेशनमा सहभागी हुन आग्रह गरिएको छ ।
कांग्रेसले बेलायतको लेबर पार्टी र कन्जरभेटिभ पार्टी तथा जर्मनीको सोसल डेमोक्रेटिक पार्टीलगायतलाई पनि निमन्त्रणा गरेको जनाएको छ ।
बंगलादेशको बंगलादेश नेसनलिस्ट पार्टी (बीएनपी)लाई समेत निमन्त्रणा पठाइएको छ ।
(1).gif)
त्यसैगरी, युरोपका लोकतान्त्रिक समाजवादी पार्टीहरू, सोसलिस्ट इन्टरनेसनल तथा इन्टरनेसनल कन्फ्रेन्स अफ एसियन पोलिटिकल पार्टीज (आईसीएपीपी)लाई पनि आमन्त्रण गरिएको कांग्रेसका नेताहरूले बताएका छन् ।
कांग्रेसका कार्यवाहक मुख्यसचिव कृष्ण दुलालका अनुसार पार्टीले विगतका महाधिवेशनमा आमन्त्रण गर्दै आएका विदेशी पाहुनालाई यसपटक पनि निमन्त्रणा पठाएको छ ।
तर, हालसम्म विदेशी पाहुनाको सहभागिताबारे अन्तिम पुष्टि आइसकेको छैन । छोटो समय र प्रतिकूल मौसमका कारण केही विदेशी प्रतिनिधिको उपस्थिति प्रभावित हुन सक्ने कांग्रेसका नेताहरूको भनाइ छ ।
कांग्रेसले महाधिवेशनको उद्घाटन समारोहमा नेपालका विभिन्न सत्तापक्ष तथा प्रतिपक्षी दलका नेताहरूलाई पनि आमन्त्रण गरिसकेको छ ।
.png)
.gif)
.jpg)
(52).jpg)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।