.gif)
.gif)
.gif)
.jpg)
.png)
काठमाण्डौ । सानिमा बैंक लिमिटेडको २२औँ वार्षिक साधारणसभा सोमबार सम्पन्न भएको छ ।
बैंकका अध्यक्ष टुकप्रसाद पौडेलको अध्यक्षतामा सम्पन्न साधारणसभाले साधारण सेयरधनीलाई करसहित १० प्रतिशत नगद लाभांश वितरण गर्ने प्रस्ताव पारित गरेको छ । यस्तै, अग्राधिकार सेयरधनीलाई करसहित ८.२५ प्रतिशत नगद लाभांश दिने प्रस्ताव पनि सभाले स्वीकृत गरेको छ ।
साधारणसभाबाट सर्वसाधारण सेयरधनी समूहको प्रतिनिधित्व गर्दै तेजबहादुर चन्द र महेश घिमिरे सञ्चालकमा निर्वाचित भएका छन् ।
बैंकले आर्थिक वर्ष २०८२/८३ मा ३ अर्ब ५५ करोड रुपैयाँ खुद नाफा आर्जन गरेको जनाएको छ ।
सो अवधिसम्म बैंकको कुल निक्षेप २ खर्ब ४९ अर्ब ९३ करोड रुपैयाँ पुगेको छ भने खुद कर्जा तथा सापटी २ खर्ब ३ अर्ब ९९ करोड रुपैयाँ रहेको छ । बैंकको कुल सम्पत्ति २ खर्ब ९१ अर्ब २१ करोड रुपैयाँ पुगेको छ ।
(1).gif)
अघिल्लो आर्थिक वर्ष २०८१/८२ को तुलनामा बैंकको कुल निक्षेप १०.८४ प्रतिशत, कर्जा तथा सापटी ११.१९ प्रतिशत र कुल सम्पत्ति १०.५० प्रतिशतले वृद्धि भएको बैंकले जनाएको छ ।
२०२६ जुलाई मध्यसम्म बैंकको निष्क्रिय कर्जा अनुपात (एनपीएल) २.८७ प्रतिशत रहेको छ । त्यस्तै, जोखिम भारित सम्पत्तिको तुलनामा पूँजीकोष अनुपात १२.८३ प्रतिशत र तरलता अनुपात ३०.६८ प्रतिशत कायम भएको छ ।
बैंकको मासिक औसत कर्जा–निक्षेप अनुपात (सीडी रेसियो) ८०.७७ प्रतिशत रहेको छ ।
सानिमा बैंकले वित्तीय सूचकमा सुधार कायम गर्दै निक्षेप, कर्जा तथा कुल सम्पत्तिमा दोहोरो अंकको वृद्धि हासिल गरेको जनाएको छ ।
.png)
.gif)
.jpeg)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।