.gif)
.gif)
.gif)
.png)
काठमाण्डौ । नेपाली कांग्रेसको १५औँ महाधिवेशनअन्तर्गत सिन्धुपाल्चोक क्षेत्र नम्बर–२ को क्षेत्रीय अधिवेशनमा विवाद भएपछि मतदान प्रक्रिया स्थगित भएको छ।
मतदानका क्रममा फर्जी मतपत्र भेटिएको भन्दै विवाद चर्किएपछि निर्वाचन समितिले तत्कालका लागि मतदान रोक्ने निर्णय गरेको हो।
निर्वाचन समितिका अनुसार विवादित विषयमा दुवै पक्षबीच सहमति नबन्दासम्म मतदान प्रक्रिया अघि बढाइने छैन। विवाद समाधानका लागि सम्बन्धित पक्षबीच छलफल गराउने तयारी भइरहेको जनाइएको छ।
क्षेत्रीय सभापति पदका लागि बागमती प्रदेशसभा सदस्य कृष्णकुमार तामाङ र पासाङ दोङ प्रतिस्पर्धामा छन्।
(1).gif)
मतदान चलिरहेका बेला फर्जी मतपत्र प्रयोग भएको आशंकापछि दुई पक्षबीच तनाव बढेको बताइएको छ। विवादकै क्रममा नेता वंशलाल तामाङले मतपेटिकामा खुट्टाले हानेको देखिने भिडियो सामाजिक सञ्जालमा सार्वजनिक भएको छ।
निर्वाचन समितिले अब दुवै पक्षसँग छलफल गरी सहमतिको वातावरण बनेपछि मात्र मतदान पुनः सुरु गर्ने जनाएको छ।
कांग्रेसको १५औँ महाधिवेशनको प्रक्रियाअन्तर्गत विभिन्न तहमा अधिवेशन र प्रतिनिधि चयन भइरहेका बेला सिन्धुपाल्चोक–२ मा मतपत्रसम्बन्धी विवादले निर्वाचन प्रक्रिया नै रोकिएको हो।
.png)
.gif)
.jpg)
.png)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।