.gif)
.gif)
.gif)
.png)
काठमाण्डौ । सिटिजन्स क्यापिटल लिमिटेडको २०औँ वार्षिक साधारणसभा सम्पन्न भएको छ ।
कम्पनीको साधारणसभा आइतबार काठमाडौंको डिल्लीबजारस्थित अमृतभोग क्याटरिङमा सम्पन्न भएको हो । साधारणसभाले आर्थिक वर्ष २०८२/८३ को सञ्चालक समितिको वार्षिक प्रतिवेदन, लेखापरीक्षकको प्रतिवेदनसहितको वासलात, नाफा–नोक्सान हिसाब, नगद प्रवाह विवरणलगायतका वित्तीय विवरण पारित गरेको छ । साथै, आर्थिक वर्ष २०८३/८४ का लागि लेखापरीक्षक नियुक्त गर्ने र पारिश्रमिक निर्धारण गर्ने प्रस्तावसमेत अनुमोदन गरेको छ ।
सिटिजन्स बैंक इन्टरनेसनल लिमिटेडको सहायक कम्पनीका रूपमा रहेको सिटिजन्स क्यापिटलले धितोपत्र बोर्डबाट अनुमति प्राप्त विभिन्न मर्चेन्ट बैंकिङ सेवा दिँदै आएको जनाएको छ । कम्पनीले धितोपत्र प्रत्याभूति, निष्कासन तथा बिक्री प्रबन्धक, लगानी व्यवस्थापन, संस्थागत परामर्श, निक्षेप सदस्य तथा शेयर रजिष्ट्रारसम्बन्धी सेवा सञ्चालन गर्दै आएको छ ।
(1).gif)
कम्पनीले पछिल्लो समय धितोपत्र प्रत्याभूति व्यवसायलाई विशेष प्राथमिकतामा राखेको जनाएको छ । यस क्रममा उत्पादन तथा प्रशोधन क्षेत्रलगायत विभिन्न कम्पनीमा लगानी रहेको र लगानीसम्बन्धी अवसर विस्तार गर्ने कार्यलाई निरन्तरता दिइएको उल्लेख गरिएको छ ।
कम्पनीका अध्यक्ष राजेन्द्र लाल श्रेष्ठले आगामी दिनमा सेवा विस्तारसँगै संस्थाको व्यवसायिक क्षमता अभिवृद्धि गर्दै लैजाने प्रतिबद्धता व्यक्त गरेका छन् ।
त्यस्तै, काठमाडौं उपत्यकाबाहिरका लगानीकर्तालाई समेत पुँजी बजारमा सहज पहुँच उपलब्ध गराउने उद्देश्यले सिटिजन्स बैंक इन्टरनेसनलका देशभरका शाखा कार्यालयमार्फत विभिन्न सेवा विस्तार गर्दै लगिएको कम्पनीले जनाएको छ । यसबाट पुँजी बजारमा नयाँ लगानीकर्ता आकर्षित गर्नुका साथै दीर्घकालीन तथा गुणस्तरीय लगानी संस्कार विकासमा योगदान पुग्ने विश्वास कम्पनीको छ ।
.png)
.gif)
.png)
.jpg)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।