आजको मौसम : केही स्थानमा वर्षा र हिमपातको सम्भावना

काठमाडौं। हाल देशमा पश्चिमी वायु र मनसुनी वायुको आंशिक प्रभाव रहेको छ।

मौसम पूर्वानुमान महाशाखाका अनुसार हाल देशका हिमाली भू–भागमा आंशिक बादल लागेको छ । देशका पहाडी र तराई भू–भागमा मौसम मुख्यतया सफा रहेको छ ।

महाशाखाका अनुसार आज देशको हिमाली र पहाडी भू–भागमा आंशिक बादल लाग्ने तथा तराई भू–भागमा मौसम मुख्यतया सफा रहनेछ । देशका हिमाली भू–भागका साथै बागमती, गण्डकी र लुम्बिनी प्रदेशको पहाडी भू–भागका एक–दुई स्थानमा हल्का वर्षा/हिमपातको सम्भावना छ ।