४ हजार ९९९ रुपैयाँमै टेलिकमको फाइबर इन्टरनेट, जडान निःशुल्क

काठमाडौँ । नेपाल टेलिकमले आजदेखि वार्षिक चार हजार ९९९ रुपैयाँमा ३० एमबिपिएस गतिको फाइबर इन्टरनेट प्याकेज सञ्चालनमा ल्याएको छ।

‘फाइबर टु द होम’ (एफटीटीएच) अन्तर्गत वाइफाइ ६ प्रविधिमा आधारित नयाँ प्याकेजमा १०० एमबिपिएसको इन्टरनेट तथा टेलिफोन सेवाका लागि वार्षिक ११ हजार ४९९, १५० एमबिपिएसका लागि १२ हजार ९९९ र २०० एमबिपिएसका लागि १६ हजार ४९९ रुपैयाँ शुल्क तोकिएको छ।

टेलिकमका प्रवक्ता डा. कमल लामिछानेका अनुसार वार्षिक प्याकेज लिने ग्राहकले दैनिक ८०० देखि एक हजार एमबीसम्म मोबाइल डाटा निःशुल्क पाउनेछन्। साथै, नयाँ प्याकेज जडान गर्दा ५०० रुपैयाँ जडान शुल्क लाग्ने छैन।