स्वावलम्बन लघुवित्तको सञ्चालकमा बेचन गिरी नियुक्त

काठमाण्डौ । स्वावलम्बन लघुवित्त वित्तीय संस्था लिमिटेडको सञ्चालकमा बेचन गिरी नियुक्त भएका छन् । संस्थाको जेठ ७ गते बसेको सञ्चालक समितिको बैठकले गिरीलाई सञ्चालकमा नियुक्त गर्ने निर्णय गरेको हो ।

उनी संस्थापक सेयरधनी स्वावलम्बन विकास केन्द्रबाट सञ्चालकका लागि प्रतिनिधिको रुपमा संस्थाको सञ्चालक नियुक्त भएका हुन् । गिरीलाई पूर्व सञ्चालकको बाँकी समय आगामी पुस १५ गतेसम्मका लागि सञ्चालक पदमा नियुक्त गरिएको संस्थाले जनाएको छ ।

गिरीले पद तथा गोपनियताको सपथ लिई जेठ ७ गतेदेखि नै कार्यभार सम्हालेको संस्थाले उल्लेख गरेको छ ।