.gif)
_(1).gif)
.png)
काठमाण्डौ । आईफोन निर्माता अमेरिकी कम्पनी एप्पल चीनमा पहिलोपटक सबैभन्दा ठूलो स्मार्टफोन बिक्रेता बनेको छ । बिहिबार सार्वजनिक भएको सन् २०२३ को तथ्यांकका अनुसार एप्पल ढुवानीका आधारमा चिनीयाँ बजारमा सबैभन्दा ठूलो बिक्रेता बन्न सफल भएको हो ।
(1).gif)
‘इन्टरनेसनल डेटा कर्पोरेशन(आईडीसी)’का अनुसार सन् २०२३ मा चीनमा आईफोनको बजार हिस्सा १७.३ प्रतिशत थियो ।
यद्यपी एप्पलको समग्र स्मार्टफोनको ढुवानी भने २.२ प्रतिशतले घटेको आईडीसीले जनाएको छ ।
यस्तै, कम्पनीको समग्र बजारपनि ५ प्रतिशतले घटेको तथ्यांकमा उल्लेख छ । ढुवानी भनेको एप्पलले तेस्रो पक्ष बिक्रेतालाई पठाउने उपकरणहरु हो । र यसले कम्पनीको प्रत्यक्ष बिक्रीसँग सम्बन्ध राख्दैन । यद्यपी यसलाई मागको संकेतका रुपमा लिइन्छ ।
तेस्रो पक्ष च्यानलमा समयमै मूल्य प्रवद्धन गरेकाले माग वृद्धि हुन गई कम्पनीले चीनको बजारमा यो सफलता हासिल गरेको आईडीसी चीनमा वरिष्ठ अनुसन्धान विश्लेषकका रुपमा कार्यरत आर्थुर गुओले बताए ।
चौथो त्रैमासमा चीनमा धेरैजसो अनलाइन प्लेटफर्महरुले आइफोन १५ मा छुटको व्यवस्था गरेका थिए । यसलाई निरन्तरता दिन एप्पलले आफ्नो वेवसाइटमा पनि चीनमा आईफोन १५ मा छुटको दुलर्भ व्यवस्था गरेको छ ।
अनिश्चित आर्थिक वातावरण र ग्राहकहरुको कमजोर खर्च गर्ने क्षमताका कारण चीनको स्मार्टफोन बजार नराम्ररी प्रभावित बनेको छ ।
सन् २०२३ मा चीनको स्मार्टफोन बजारमा हुवावेले दोस्रो स्थान ओगटेको छ । गत वर्ष चीनको बजारमा कम्पनीको बजार हिस्सा १६.८ प्रतिशत कायम भएको छ । जुन एप्पलको भन्दा केहि कम हो ।
यससँगै कम्पनीले चिनीयाँ बजारमा शीर्ष ५ भित्र पुनरागमन गरेको छ । कम्पनी २ वर्षभन्दा बढी अवधिका लागि शीर्ष ५ को सूचीबाट बाहिरिएको थियो ।
हुवावे कुनैबेला चीन र विश्वकै सबैभन्दा ठूलो स्मार्टफोन उत्पादक थियो । तर अमेरिकाको प्रतिबन्ध पश्चात भने कम्पनीको ओरालो यात्रा सुरु भएको थियो । -एजेन्सी
.gif)
.png)
(1).jpg)
(1)(1).jpg)
.jpg)
.jpg)
.gif)
.gif)
