बैंकिङ प्रणालीको निक्षेप एकै दिन १६ अर्बले घट्यो, कर्जा प्रवाहको कस्तो छ अवस्था ?

काठमाण्डौ । बैंकिङ प्रणालीको निक्षेप एकै दिन १६ अर्ब रुपैयाँले घटेको छ। नेपाल राष्ट्र बैंकको तथ्यांक अनुसार जेठ २८ गते बैंकिङ प्रणालीबाट १६ अर्ब रुपैयाँ बाहिरिएको हो । जेठ २७ गते ६२ खर्ब ४७ अर्ब रुपैयाँ निक्षेप संकलन रहेको बैंकिङ प्रणालीमा जेठ २८ गतेसम्म भने ६१ खर्ब ३१ अर्ब रुपैयाँ निक्षेप रहेको छ ।

कुल निक्षेपमा वाणिज्य बैंकहरुको निक्षेप ५५ खर्ब १५ अर्ब रुपैयाँ रहेको छ । जेठ २७ गते दिन वाणिज्य बैंकहरुको कुल निक्षेप ५५ खर्ब ३० अर्ब रहेको थियो । यसरी वाणिज्य बैंकहरुको निक्षेप पनि एक दिनको अन्तरालमा १५ अर्बले घटेको छ ।  

यस्तै अन्य वित्तीय संस्थाको निक्षेप पनि १ अर्बले घट्दै ७ खर्ब १६ अर्ब रुपैयाँमा सीमित बनेको छ ।  

Sponsored

Sponsored

बैंकिङ क्षेत्रको कुल कर्जा प्रवाह भने स्थिर रहेको छ । जेठ २७ गते ५१ खर्ब ३३ अर्ब रहेको कर्जा प्रवाह जेठ २८ गतेमा पनि ५१ खर्ब ३३ अर्ब नै रहेको छ ।  बैंकिङ प्रणालीको निक्षेप घटेसँगै सीडी रेसियो ८०.०१ प्रतिशतबाट बढेर ८०.२० प्रतिशत पुगेको छ । बैंकहरुको अन्तर बैंक ब्याजदर पनि २.९४ प्रतिशतबाट बढेर २.९५ प्रतिशत पुगेको छ ।