.gif)
_(1).gif)
.jpg)
काठमाण्डौ । साताको पहिलो दिन विभिन्न ब्रोकर हाउसहरु पुगेर लगानीकर्ताकहरुको विचार सुन्ने र बुझ्ने कार्यलाई आज पनि हामीले निरन्तरता दिएका छौं । यसै सिलसिलामा आज हामीले अनामनगरका केही ब्रोकर हाउसहरु पुगेर लगानीकर्ताहरुको विचार र ब्रोकरहरुको वस्तुस्थिति बुझ्ने प्रयास गरेका छौं । आज राजधानीको तापक्रम बढेको थियो । केही ब्रोकर हाउसहरुमा लगानीकर्ताको उपस्थित शुन्य थियो भने केही ब्रोकरमा लगानीकर्ताको उपस्थिति ठीकठाक नै थियो ।
सर्वप्रथम हामी भिजन सेक्युरिटिज (स्टक ब्रोकर नम्बर ३४) पुगेका थियौं । यस ब्रोकरमा लगानीकर्ताहरुको उपस्थिति राम्रै थियो । बिहानको सुरुवाति समय भएकाले लगानीकर्ताको आउने क्रम जारी थियो । कोही सिटमा बसेर र कोही भने उभिएरै भएपनि बजारको अवस्था नियालिरहेका थिए ।
हैन यो कुथेली बुखरी हाइड्रोपावर त ६० रुपैयाँले बढी सक्यो त ?’ एक लगानीकर्ताले भनेको सुनियो । उनको छेउमै बसेका लगानीकर्ताले भने,‘के हुनु र अघिल्लो साता बढाउनु बढाए अब बेच्ने खेल त होला ।’ यसै ब्रोकरमा अर्का एक लगानीकर्ता शाइन रेशुङ्गा विकास बैंकको सेयर किनेर राखेको तर बढ्नै नसकेका भन्दै गुनासो गर्दै गरेको भेटिए । केही लगानीकर्ताले भने अब लो क्याप भएका हाइड्रो कम्पनीहरु चल्ने चर्चा गर्दै गरेको सुनियो ।
भिजन सेक्युरिटीको केहि समयको बसाई पछि हामी अनामनगरमा नै रहेको प्रिमियर सेक्युरिटिज(स्टक ब्रोकर नम्बर ३२) तर्फ लम्कियौं । यस बेलासम्म दिनको १२ बजी सेकेको थियो । बजारमा समान्य अंकले उतारचढाव आएको थियो । लगानीकर्ताहरु आ–आफ्नो सेयर कारोबारमा व्यस्त थिए । यतिकैमा एक लगानीकर्ताले मोबाइल फोनमा समाचार देखाउँदै भने, ‘ए साथीहरु धितोपत्र बोर्डको अध्यक्षका लागि सर्टलिस्टमा परेका ५ जनाको व्यवसायिक कार्यपत्र प्रस्तुतिकरण थियो । ३ जनाले त बहिष्कार गरेको खबर आको छ । के हुन्छ अब ?’ उनको प्रश्नको जवाफ दिदै एक लगानीकर्ताले मुख खोले,‘राजनीतिक खेल हो, जे पनि हुन सक्छ । ओलीले आफ्नै मान्छे हुनुपर्ने अडान राखेका छन् रे । बुधबारसम्म आफ्नो मान्छे धितोपत्र बोर्डको अध्यक्ष नभए सत्ता नै फेरिन सक्ने चेतावनी पनि दिएको भन्ने सुनिन्छ ।’
वार्तालापमा जोडिदै अर्का एक लगानीकर्ताले आफ्नो विचार पोखे, ‘सेबोन त अहिले नयाँ भन्सार भाको छ नि ! पैसा त्यँही कुम्लाउन पाइन्छ अनि हुन्न त लडाई ? अब त अध्यक्ष आउँछन भनेको फेरी जालझेल हुन थाल्यो ।’ यसै ब्रोकरमा एक लगानीकर्ताले निराश हुँदै भने,‘मैल त केही सेयर कर्जा पनि लिएर लगानी गरेको छु । बजारको अवस्था देख्दा त साह्रै पीडा हुन्छ ।’
ब्रोकर हाउसमा यस्तै वार्तालाप चल्दै थियो । घडीमा दिनको १ बजेको थियो । बजारमा विस्तारै बिक्री दबाव देखिदै थियो ।
हामी भने अब अर्को गन्तव्य दीपशिखा धितोपत्र कारोबार कम्पनी (स्टक ब्रोकर नम्बर ३८) तर्फ लाग्यौं । यहाँ लगानीकर्ताको उपस्थिति सामान्य नै थियो । लगानीकर्ताहरु आ–आफ्नै धुनमा मग्न थिए । केही लगानीकर्ता मध्य दिनको गर्मीले मस्त निन्द्रामा थिए । यहाँ भेटिएका अधिकांश लगानीकर्ताहरु पनि लो क्याप भएका विकास बैंक र हाईड्रो कम्पनी चल्ने चर्चा गर्दै थिए । ‘मलाई त एक जना साथीले एउटा ठूलै ब्रोकरबाट अब लघुवित्त बेचेर लो क्याप भएको कर्णाली विकास बैंक चलाँउदै छन् भन्ने जानकारी पाएको बताएका छन् ।’ एक लगानीकर्ताले बोलेको सुनियो । उनीतर्फ फर्कदै लगकानीकर्ताले चेतावनीपूर्ण लवजमा भने, ‘विचार गर्नु खेलाडीको सेयरमा निस्कन सकिएन भने मेरै जस्तै हालत होला नि फेरी । म फाइनान्समा फसेको फस्यै छु ।’ ब्रोकर हाउसमा यस्तै गल्फिति चल्दै थिए । भित्ताको घडिमा २ बज्दै थियो ।
केही समयको यहाँ व्यतित गरेपछि हामी कालिका सेक्युरिटिज (स्टक ब्रोकर नम्बर ४६) मा पग्यौं । यस बेलासम्म पनि बजारमा बिक्री दबाव कायमै थियो । बजार बिस्तारै तल खस्दै थियो । खस्कदो बजारप्रति इंगित गर्दै एक जना लगानीकर्ताले भनेको सुनियो, ‘कुन पापीको अाँखा लाग्यो, सेयर बजार त कहिल्यै नबढ्ने भयो त ।’
.gif)
.png)
(101).jpg)
.gif)
.gif)
.gif)
