.gif)
(2).gif)
.jpg)
_(1).gif)
.png)
काठमाण्डौ । बीमा कम्पनीहरुले एक प्रतिशतभन्दा बढी सेयर स्वामित्व भएका संस्थापक सेयरधनी तथा सञ्चालक समितिका पदाधिकारीलाई संस्थागत क्षमता अभिबृद्धि कार्यक्रममा सहभागी गराउनुपर्ने भएको छ ।
नेपाल बीमा प्राधिकरणले सम्पत्ति शुद्धीकरण तथा आतङ्कवादी क्रियाकलापमा वित्तीय लगानी निवारण सम्बन्धी निर्देशक, २०८१ जारी गर्दै जीवन तथा निर्जीवन बीमा कम्पनीलाई यस्तो निर्देशन दिएको हो ।
प्राधिकरणका अनुसार सञ्चालक समितिका पदाधिकारीसँगै एक प्रतिशत वा सो भन्दा बढी सेयर स्वामित्व भएका उच्च व्यवस्थापन र कर्मचारीहरुले समेत यस्तो कार्यक्रममा सहभागी हुनुपर्नेछ ।
बीमा कम्पनीहरुले सेयरधनी, पदाधिकारी र उच्च व्यवस्थापनलाई सम्पत्ति शुद्धीकरण तथा आतङ्कवादी क्रियाकलापमा वित्तीय लगानी सम्बन्धी अभिमुखीकरण गराउनुपर्ने प्राधिकरणले जनाएको छ ।
यसका साथै सम्पत्ति शुद्धीकरण तथा आतङ्कवादाी क्रियाकलापमा वित्तीय लगानी सम्बन्धी कार्यमा प्रत्यक्ष तथा नियमित रुपमा कार्यान्वयन अधिकारी र अन्य कर्मचारीहरुलाई सम्पत्ति शुद्धीकरण तथा आतङ्कवादी क्रियाकलापमा वित्तीय लगानी सम्बन्धी स्वदेशी तथा विदेशी तालिममा सहभागी गराउनुपर्नेछ ।
त्यस्तै, बीमा अभिकर्ता र सर्भेयरको क्षमता अभिबृद्धिका लागि नियमित रुपले सम्पत्ति शुद्धीकरण तथा आतंकवादी क्रियाकलापमा वित्तीय लगानी सम्बन्धनी तालिममा सहभागी गराउनुपर्ने प्राधिकरणले जनाएको छ ।
.gif)
.png)
.jpg)
.jpg)
.jpg)
.jpg)
(1).png)
(1).gif)
