.gif)
_(1).gif)
.jpg)
.png)
काठमाण्डौ । चालु आर्थिक वर्षको अन्त्यतिर जीवन बीमा कम्पनीहरुले नयाँ व्यवसाय बढाउन थालेका छन् । केही महिनाअघिसम्म नविकरणकै भरमा चलेको जीवन बीमा व्यवसायको स्वरुप बलदिन थालेको छ ।
आर्थिक मन्दीसँगै सुस्ताएको जीवन बीमा कम्पनीहरुको नयाँ व्यवसायमा फेरी सुधार देखिन थालेको छ । चालु आवको ११ महिना अर्थात् जेठ मसान्तसम्ममा जीवन बीमा कम्पनीहरुले २७ अर्ब ५६ करोड रुपैयाँ प्रथम बीमा शुल्क आर्जन गरेका छन् ।
यो व्यवसाय गत आवको सोही अवधिसम्मको तुलनामा ६.२३ प्रतिशतले बढी हो । गत आवको जेठ महिनासम्ममा जीवन बीमा कम्पनीहरुले २५ अर्ब ९५ करोड रुपैयाँ प्रथम बीमा शुल्क आर्जन गरेका थिए ।
केही महिनाअघिको तथ्याङ्कमा जीवन बीमकहरुको प्रथम बीमाशुल्क आर्जन गत आवको तुलनामा उल्लेख्य बढेको थिएन । चालु आवमा देशको अर्थतन्त्रमा शिथिलता देखिएसँगै जीवन बीमकहरुले भनेजस्तो नयाँ व्यवसाय बढाउन सकिरहेका थिएनन् । तर यस वर्षको अन्त्यतिर आइपुग्दा अधिकांश जीवन बीमा कम्पनीको नयाँ व्यवसायमा सुधार देखिन थालेको छ ।
पछिल्लो समय देशको अर्थतन्त्र विस्तारै सुधार हुँदै गएको छ, कोभिडपछि बन्द भएका उद्योग तथा कलकारखाना र साना तथा मझौला उद्योग व्यवसाय सञ्चालनमा आउन थालेका छन् । रोजगारीको अवसर विस्तारै सिजर्ना हुन थालेको छ । यसर्थ जीवन बीमा कम्पनीहरुको नयाँ व्यवसाय पनि सामान्य भएपनि बढ्न थालेको छ ।
नेपाल बीमा प्राधिकरणले बीमाको दायरामा जनसंख्या प्रतिशत बढाउन विभिन्न स्थानीय निकायहरुसँग समन्वय गरी बीमासम्बन्धी अन्तरक्रिया कार्यक्रम तथा सचेतनामूलक कार्यमहरु समेत गर्दै आइरहेको छ । यसर्थ पनि बीमा प्राधिकरणले लिएको लक्ष्य केही हदसम्म भएपनि पुरा हुन थालेको बुझ्न सकिन्छ ।
सञ्चालनमा रहेका १४ जीवन बीमा कम्पनीमध्ये ९ वटा कम्पनीले गत आवको तुलनामा प्रथम बीमा शुल्क आर्जन बढाउन सफल भएका छन् । राष्ट्रिय जीवन बीमा कम्पनीसहित ५ वटा कम्पनीको यस्तो व्यवसाय भने गत आवको तुलनामा खस्किएको छ ।
सो अवधिसम्म सर्वाधिक नेपाल लाइफ इन्स्योरेन्सले ६ अर्ब २५ करोड रुपैयाँ प्रथम बीमा शुल्क संकलन गरेको छ । त्यस्तै, नेशलन लाइफले ४ अर्ब १६ करोड, एलआइसी नेपालले २ अर्ब ६ करोड, हिमालयन लाइफले २ अर्ब ४ करोड, सुर्यज्योति लाइफले २ अर्ब १ करोड, सिटिजन लाइफले १ अर्ब ६० करोड, एशियन लाइफले १ अर्ब ५२ करोड, सानिमा रिलायन्स लाइफलेल १ अर्ब ५२ करोड, सन नेपाल लाइफले १ अर्ब ३२ करोड, आइएमई लाइफले १ अर्ब ३१ करोड, रिलायबल नेपाल लाइफलले १ अर्ब २५ करोड, मेट लाइफले १ अर्ब १५ करोड रुपैयाँ र प्रभु महालक्ष्मी लाइफले ८२ करोड रुपैयाँ प्रथम बीमा शुल्क आर्जन गरेको छ ।
(1).gif)
गत आवको तुलनामा सर्वाधिक नयाँ व्यवसाय बढाउनेमा नेशनल लाइफ अघि रहेको छ । कम्पनीले गत आवको तुलनामा २९.०५ प्रतिशतले प्रथम बीमा शुल्क आर्जन बृद्धि गरेको छ । त्यस्तै, एपिशयन लाइफले पनि २१.८८ प्रतिशतले नयाँ व्यवसाय बढाउन सफल भएको छ ।
यता नेपाल लाइफले पनि २१.७६ प्रतिशतले नयाँ व्यवसाय बढाएको छ भने आइएमई लाइफलेल १०.८९ प्रतिशतले नयाँ व्यवसाय बढाएको छ । यसका साथै हिमालयन लाइफले ४.१३ प्रतिशत, मेट लाइफले ३.३० प्रतिशत, एलआइसी नेपालले २.९७ प्रतिशत, सिटिजन लाइफले १.८५ प्रतिशत र सानिमा रिलायन्स लाइफले ०.५४ प्रतिशतले प्रथम बीमा शुल्क आर्जन बढाएका छन् ।
सर्वाधिक नयाँ व्यवसाय खस्किनेमा राष्ट्रिय जीवन बीमा कम्पनी रहेको छ । कम्पनीले ४३.९८ प्रतिशतले नयाँ व्यवसाय घटेको छ । यसका साथै सन नेपाल लाइफको १६.२३ प्रतिशत, प्रभु महालक्ष्मी लाइफको १५.३७ प्रतिशत, सुर्यज्योति लाइफको १०.४३ प्रतिशत र रिलायबल नेपाल लाइफको १.६० प्रतिशतले घटेको छ ।
नविकरणमार्फत रु.१ खर्ब प्रिमियम संकलन
जीवन बीमा कम्पनीहरुले जेठ महिनासम्ममा १ खर्ब ६ अर्ब ५ करोड रुपैयाँ नविकरणमार्फत प्रिमियम संकलन गरेका छन् । यो व्यवसाय गत आवको तुलनामा ७.५७ प्रतिशत बढी हो ।
गत आवको सोही अवधिसम्म जीवन बीमा कम्पनीहरुले नविकरणमार्फत ९८ अर्ब ५९ करोड रुपैयाँ बीमा शुल्क संकलन गरेका थिए ।
राष्ट्रिय जीवन बीमा कम्पनी बाहेक सबै कम्पनीको नविकरण बीमा शुल्क आर्जन बृद्धि भएको छ । नविकरणमार्फत सर्वाधिक नेपाल लाइफले २९ अर्ब ३० करोड रुपैयाँ बीमा शुल्क संकलन गरेको छ ।
साथै सर्वाधिक यस्तो व्यवसाय बढाउनेमा भने प्रभु महालक्ष्मी लाइफ रहेको छ । कम्पनीले गत आवको तुलनामा २६.१० प्रतिशतले नविकरण बीमा शुल्क आर्जन बढाएको छ ।
.gif)
.png)
.jpg)
.jpg)
.jpg)
.gif)
(1).gif)
.gif)
