.gif)
(1).gif)
.jpg)
_(1).gif)
.png)
काठमाण्डौ । कांग्रेस एमालेले सत्तारोहणको सहमति गरेपछि सत्ताच्यूत हुने अवस्थामा पुगेका प्रधानमन्त्री प्रचण्डले राजीनामा नदिने बताएपछि मुलुकमा मूठभेडको खतरा बढेको छ ।
नेकपा माओवादी केन्द्रको मंगलबार बालुवाटारमा बसेको पदाधिकारीहरुको आकस्मिक बैठकले गलेर राजीनामा नदिने र कांग्रेस एमालेलाई सहजै सत्ता नछाड्ने निर्णय गरेको हो । यो निर्णयसँगै प्रमुख राजनीति शक्तिहरुबीच सत्ताका लागि मूठभेड हुनसक्ने खतरा बढेको छ ।
मंगलबार बिहान प्रधानमन्त्री निवास बालुवाटारमा बसेको बैठकपछि माओवादी केन्द्रका सचिव देवेन्द्र पौडेलले सञ्चारकर्मीसँग कुरा गर्दै भने,‘प्रधानमन्त्रीले गलेर राजीनामा दिने कुरा हुँदैन । संविधान बमोजिम संसदबाट विश्वासको मतको सामना गर्ने निर्णय भएको छ।’
पौडेलका अनुसार अहिले सरकारलाई समर्थन गरेका दलहरूले समर्थन फिर्ता नलिएकाले विश्वासको मत कहिले लिने भन्ने विषयमा कुनै योजना बनेको छैन ।
उनले मध्यरातमा दुई दल बसेर गरेको सहमतिबाट राष्ट्रिय सहमति नहुने पनि दाबी गरे ।
माओवादीले कांग्रेस र एमाले मिलेर ०४७ सालको संविधान नै ब्यूँताउन खोजेका आरोप समेत लगाएको छ ।
यसैबीच, प्रधानमन्त्री प्रचण्ड राष्ट्रपति रामचन्द्र पौडेललाई भेट्न शीतलनिवास जाँदै छन् । पार्टीको पदाधिकारी बैठकलगत्तै शीतलनिवास जान लागेका हुन् ।
पछिल्लो राजनीतिक अवस्थाको ‘ब्रिफिङ’ गर्न उनी त्यहाँ जान लागेका बताइएको छ ।
.gif)
.png)
.jpg)
.jpg)
.jpg)
.jpg)
.gif)
.gif)
