.gif)
_(1).gif)
.png)
काठमाण्डौ । सञ्चालनमा रहेका ४४ वटा म्युचुअल फण्डमध्ये जेठ महिनामा कुमारी सामूहिक लगानी कोष अन्तर्गत सञ्चालित ‘कुमारी सबल योजना’ ले सर्वाधिक लगानीको दायरा बढाएको छ ।
कम्पनीले वैशाख महिनाको तुलनामा ५१.९१ प्रतिशतले लगानी थपेको छ । वैशाखमा उक्त म्युचुअल फण्डले सेयरबजारमा २२ करोड २६ लाख रुपैयाँ लगानी गरेकोमा जेठ महिनामा ३३ करोड ८२ लाख रुयैयाँ लगानी बढाएको छ ।
यसर्थ कम्पनीले विभिन्न कम्पनीहरुमा गरेको लगानीको सम्पत्ति मूल्य ११ करोड ५६ लाख रुपैयाँ बृद्धि गरेको छ । वैशाख महिनाको तुलनामा जेठमा सेयरबजारमा केही सुधार देखिएको थियो । नेपाल राष्ट्र बैंकको खुकुलो मौद्रिक नीति समिक्षाले गर्दा लगानीकर्ताहरुमा उत्साह थपिई बजार केही प्रतिशत बढ्न पुगेको थियो ।
दोस्रो बजारमा म्युचुअल फण्डहरुको करोडौं लगानी हुने भएकाले बजारमा उतारचढाव आउँदा फण्डहरुको नाफा, न्याभ र लगानीको अवस्थामा नै फेरबदल आउन सक्छ । जेठ महिनामा केही दिन बजार बढ्दा सबै म्युचुअल फण्डहरुको न्याभ बृद्धि हुन पुगेको छ । साथै केही फण्डहरुले बजारमा लगानी पनि थपेका छन् ।
जेठमा सर्वाधिक कुमारी सबल योजनाले लगानी थपेको देखिन्छ । लगानी बृदिदरको आधारमा कुमारी सबल योजना नै अघि देखिएको छ । फण्डले तीनवटा वाणिज्य बैंक, दुई विकास बैंक, तीन लघुवित्त संस्था, सातवटा बीमा कम्पनी, दुई उत्पादत तथा प्रशोधन कम्पनी, तीन हाइड्रोपावर र तीन लगानी कम्पनी गरी कुल २३ वटा कम्पनीमा लगानी गरेको छ ।
जसमध्ये फण्डले २० वटा कम्पनीमा गरेको लगानीको कित्ता संख्या समेत बढाएको छ । सेयर संख्या बढाउँदा सो फण्डको सम्पत्ति मूल्य ५१ प्रतिशतले बढ्न पुगेको हो ।
चालु आवको जेठ महिनासम्ममा सो फण्डले २३ वटा कम्पनीको ७ लाख ७१ हजार ८३६ कित्ता सेयरमा लगानी गरेको छ । यो लगानी अघिल्लो महिनाको तुलनामा ४३.९६ प्रतिशत बढी हो । वैशाखमा फण्डले २१ कम्पनीको ५ लाख ३६ हजार १४५ कित्ता सेयरमा लगानी गरेको थियो । यसर्थ कम्पनीले एक महिनाको दौरानमा कुल २ लाख ३५ हजार ६९१ कित्ता सेयरमा लगानी थपेको छ ।
जेठ महिनामा फण्डले दुईवटा कम्पनी अपि पावर कम्पनी र सिटिजन लाइफ कम्पनीको सेयरमा लगानी थपेको छ । अपि पावरको कुल ४२ हजार २२२ कित्ता सेयर र सिटिजन लाइफको १९ हजार ५५८ कित्ता सेयरमा लगानी गरेको छ ।
त्यस्तै, सर्वाधिक हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनी(एचआइडीसीएल)को सेयरमा लगानी थपेको छ । वैशाखमा सो कम्पनीको कुल १ लाख ४७ हजार ७० कित्ता सेयरमा लगानी रहेकोमा जेठ महिनामा २० हजार ४०० कित्ता सेयर थपेर कुल १ लाख ६७ हजार ४७० कित्ता सेयरमा लगानी गरेको छ ।
त्यस्तै, दोस्रोमा शिवम् सिमेन्ट्सको सेयरमा पनि कुल २० हजार ८१ कित्ता सेयर थप गरेको छ भने बीमातर्फको सिद्धार्थ प्रिमियर इन्स्योरेन्सको १९ हजार कित्ता सेयर थपेको छ ।
.gif)
.png)
(2).jpg)
(1).png)
.jpg)
.gif)
.gif)
.gif)
