(3).gif)
(2).gif)
.png)
काठमाण्डौ । साउदी अरबको दिग्गज सरकारी तेल कम्पनी साउदी अरामको ३ वर्षपछि बोन्ड बजारमा फर्किएको छ । कम्पनीले १० वर्षे,३० वर्षे र ४० वर्षे अवधिको बोन्ड जारी गर्नका लागि बैंकहरु नियुक्त गरेको छ । कम्पनीले ३ वटै समायावधिको बोन्डबाट ३ बिलियन डलर उठाउने लक्ष्य लिएको छ ।
कम्पनीले बजारमा देखिएको तरलताको फाइदा उठाउन बोन्ड जारी गर्न लागेको जनाइएको छ । खाडीका देश तथा कम्पनीहरुले बजारको राम्रो अवस्थाको फाइदा उठाउदै यस वर्ष फण्ड उठाईरहेका छन् । साउदी अरबियाले शीर्ष तेल आयातकर्तासँग मिलेर जनवरीमा १२ बिलियन डलरबराबरको डलर बोन्ड र ५ बिलियन डलरबराबरको इस्लामिक बोन्ड जारी गर्दैछ ।
(2).gif)
.gif)
साउदी अरामकोले पछिल्लोपटक सन् २०२१ मा १०,३० र ४० वर्षे बोन्ड जारी गरेर ९ बिलियन डलरबराबरको बोन्ड जारी गरेको थियो । अरामको साउदी सरकारका लागि लामो समयदेखि नगद बैंकको रुपमा रहेको छ । कम्पनीले सन् २०२४ का लागि १२४.३ बिलियन डलरबराबरको लाभांश घोषणा गर्ने सम्भावना रहेको जनाइएको छ । जसको अधिकांश हिस्सा साउदी सरकारले प्राप्त गर्नेछ ।
गत महिना कम्पनीले ग्यास विस्तार योजनाका लागि २५ बिलियन डलरबराबरको सम्झौताका लागि अनुमति पाएको थियो । -एजेन्सी
(1).gif)
.gif)
.gif)
(1).gif)
(2).gif)
.png)
.jpg)
.jpg)
.png)
