.gif)
(1).gif)
.png)
काठमाण्डौ । लगातार ९ वर्षसम्म सत्तामा बसेर हालीमुहाली गरेका माओवादी केन्द्रका अध्यक्ष पुष्पकमल दाहाल(प्रचण्ड)ले पूर्व माओवादी घटकहरुसँग एकताको पहललाई तीव्र बनाएका छन् ।
सत्तामा रहुञ्जेल माओवादीबाट छुट्टिएर अन्य दल बनाउनेहरुको विषयमा चासो नदिएका प्रचण्डले सरकार ढलेपछि पुनः राजनीतिक शक्ति प्राप्तिको उद्देश्यले पूर्व माओवादी घटकहरुसँग एकताको पहल सुरु गरेका हुन् ।
.gif)
उनले छिन्नभिन्न भएका माओवादी निकट शक्तिहरुलाई मिलाएर ठूलो दल बनाउने र पहिलाजस्तै शक्तिशाली बनी सत्तामा फर्किने रणनीतिअनुसार पहिलो चरणमा नेत्रविक्रम चन्द(विप्लव)को पार्टीसँग छलफल अगाडि बढाएका स्रोतले जनाएको छ ।
विप्लवसँग सत्ता पलट भएलगत्तै प्रचण्डले एक चरणको छलफल गरिसकेका माओवादीका एक पदाधिकारी तहका नेताले जानकारी दिए । प्रचण्डले विप्लवको पार्टीसँग एकता गर्नेसम्मको सोंच बनाएका छन् ।
यस्तै, महिन्द्रा राय यादव नेतृत्वको नेपाल समाजवादी पार्टीसँग पनि एकताको पहल अगाडि बढाइएको स्रोतको भनाई छ । दाहाल निवास खुमलटारमा यादव नेतृत्वको पार्टीका पदाधिकारीहरुसँग एकचरणको छलफल भइसकेको छ ।
यस्तै, माओवादीबाट अलग्गिएर आम जनता पार्टी गठन गरेको प्रभू साहलाई समेत फर्काउने प्रयासलाई अगाडि बढाइएको छ । साहलाई माओवादीको महत्वपूर्ण जिम्मेवारी दिएर भित्र्याउने कसरत थालिएको बुझिएको छ ।
.gif)
.png)
.jpg)
.png)
.gif)
.gif)
.gif)
