.gif)
(2).gif)
_(1).gif)
.png)
काठमाण्डौ । आर्थिक वर्ष २०८०/८१ मा देशमा १५ खर्ब ९२ अर्ब ९८ करोड रूपैयाँ बराबरको वस्तु आयात भएको छ । भन्सार विभागका अनुसार यो अवधिमा १ खर्ब ५२ अर्ब ३८ करोड रूपैयाँको वस्तु निर्यात भएको छ ।
आव २०८०/८१ मा भएको वस्तु आयात र निर्यात अघिल्लो आव अर्थात २०७९/८० को तुलनामा कम हो । आर्थिक वर्ष २०७९/८० मा नेपालमा १६ खर्ब ११ अर्बको आयात र १ खर्ब ५७ अर्बको निर्यात भएको थियो । यसरी २०७९/८० को तुलनामा आर्थिक वर्ष २०८०/८१ मा आयात १.१६ प्रतिशत र निर्यात ३ प्रतिशतले घटेको छ ।
.gif)
यससँगै नेपालको वैदेशिक व्यापार लगातार दोस्रो आर्थिक वर्षमा पनि घटेको छ । आर्थिक वर्ष २०७८/७९ मा कीर्तिमानी आयात र निर्यात भएको थियो । तर त्यसयता भने आयात/निर्यात दुवै निरन्तर घटिरहेको छ । आर्थिक वर्ष २०७८/७९ १९ खर्ब २० अर्ब रुपैयाँको आयात र २ खर्बको निर्यात भएको थियो । आर्थिक वर्ष २०७७/७८ मा १५ खर्ब ३९ अर्ब रुपैयाँको आयात र १ खर्ब ४१ अर्बको निर्यात भएको थियो ।
गत आर्थिक वर्ष २०८०/८१ मा ४ खर्ब २० अर्ब १६ करोड ८२ लाख रुपैयाँ राजश्व उठेको छ । तथ्यांकअनुसार सबैभन्दा बढी पेट्रोल, डिजेल र एलपीजी ग्यास आयात गरिएको छ । गत आवमा १ खर्ब ४३ अर्ब ९७ करोड रुपैयाँको पेट्रोल, ६८ अर्ब १० करोड रुपैयाँको डिजेल र ५५ अर्ब ६१ करोड रुपैयाँ बराबरको एलपीजी ग्यास आयात भएको छ ।
यस्तै १० अर्ब ५७ करोड रुपैयाँ बराबरको गलैंचा र ७ अर्ब ९३ करोड रुपैयाँ बराबरको अलैंची निर्यात भएको छ ।आयात घटेसँगै व्यापार घाटा समेत कम भएको छ । व्यापार घाटा १४ खर्ब ४० अर्ब रुपैयाँ रहेको छ । आव २०७९÷८० मा नेपालका व्यापार घाटा १७ खर्ब २० अर्ब रुपैयाँ थियो ।
.png)
(4).jpg)
.jpg)
.jpg)
.jpg)
(1).gif)
.gif)
